ەلوردا • 15 جەلتوقسان، 2020

ەلوردادا تاۋەلسىزدىك كۇنىنە وراي قانداي ءىس-شارالار ۇيىمداستىرىلادى?

40 رەت كورسەتىلدى

قازاقستان رەسپۋبليكاسى تاۋەلسىزدىگىنىڭ 29 جىلدىعىنا وراي، ەلوردالىق مادەنيەت وشاقتارى كورمەلەر مەن كونتسەرتتەر، قويىلىمدار، پرەمەرالار جانە سىنىپ ساعاتتارىن ۇسىنادى,دەپ حابارلايدى Egemen.kz

ءىس-شارالاردى ۇيدەن شىقپاي-اق ونلاين رەجيمدە تاماشالاۋعا بولادى، دەپ حابارلايدى قازاقپارات نۇر-سۇلتان قالاسى مادەنيەت باسقارماسىنىڭ ءباسپاسوز قىزمەتىنە سىلتەمە جاساپ.

تاۋەلسىزدىك سارايىنىڭ ءبىرىنشى قاباتىندا جەلتوقسان بويى مەرەكەگە وراي «تاۋەلسىزدىكتىڭ بەلگىسى – نۇر-سۇلتان» كورمەسى اشىلدى.

ەكسپوزيتسيانى Instagram-داعى @tauelsizdik_sarayi پاراقشاسىنان دا تاماشالاۋعا بولادى.

14-16 جەلتوقسان ارالىعىندا نۇر-سۇلتان قالاسى اكىمدىگىنىڭ جاڭا جاستار مۋزىكالىق تەاترى قالا تۇرعىندارى مەن قوناقتارىن م.اۋەزوۆتىڭ «اباي-توعجان» مۋزىكالىق دراماسىنىڭ پرەمەراسىنا شاقىرادى.

مەرەكەگە وراي نۇر-سۇلتان قالالىق مەملەكەتتىك اكادەميالىق فيلارمونياسى قالا تۇرعىندارىن «تاۋەلسىزدىك – تۇعىرىم» ونلاين كونتسەرتىنە شاقىرادى.

Facebook، Instagram پاراقشالارىندا جانە فيلارمونيانىڭ YouTube-ارناسىندا ترانسلياتسيا جۇرگىزىلەدى.

تاريحي-مادەني مۇرا ەسكەرتكىشتەرى مەن نىساندارىنىڭ ساقتالۋىن قامتاماسىز ەتۋ جونىندەگى ديرەكتسيا سالتانات قاقپاسىندا قازىرگى زامانعى بەينەلەۋ ونەرىنىڭ كورمەسىن جانە «تاۋەلسىزدىك – ماڭگىلىك ەل مۇراتى» تاقىرىپتىق ەكسپوزيتسياسىن ۇيىمداستىرادى.

15-17 جەلتوقسان ارالىعىندا ساياسي قۋعىن-سۇرگىن جانە توتاليتاريزم قۇرباندارىنىڭ «الجير» مەموريالدى-مۇراجاي كەشەنى ءوزىنىڭ YouTube كانالىندا جانە رەسمي اككاۋنتتارىندا «تاۋەلسىزدىك تۇعىرى بيىكتە» اتتى ونلاين كورمەسىن ۇسىنادى.

ساكەن سەيفۋللين مۇراجايى دا ەل تاۋەلسىزدىگىنىڭ 29 جىلدىعىنا وراي مەرەكەلىك ءىس-شارالار دايىندادى.

15 جەلتوقساندا Seifullin_museum پاراقشاسىندا «تاۋەلسىزدىكتىڭ التىن ارقاۋى – انا ءتىلىم» چەللەندجى ۇيىمداستىرىلادى، وقۋشىلار مانەرلەپ ولەڭ وقيدى.

كۇندىز مۇراجاي ۇجىمى «تاۋەلسىزدىك – ۇلى باقىت» اتتى ونلاين كورمە وتكىزەدى.

وقىرماندارىنىڭ وي-ءورىسىن كەڭەيتۋ ءۇشىن كوپتەگەن تانىمدىق ويىندار، تاريح ساعاتتارى مەن ساباقتارىن كىتاپحانا جۇيەسى ۇيىمداستىرادى.

بارلىق ءىس-شارالار ونلاين رەجيمدە قالالىق كىتاپحانالاردىڭ الەۋمەتتىك جەلىلەردەگى پاراقشالارىندا وتەدى.

مەرەكە كۇندەرى ەلوردالىقتار مەن قالا قوناقتارىنا قالالىق تەاترلار قويىلىم قويادى.

15 جەلتوقسان كۇنى ساعات 19:00-دە جاستار تەاترىنىڭ ارتىستەرى كورەرمەندەرگە «نارتاۋەكەل» درامالىق پوەماسىنىڭ قويىلىمىن ۇسىنادى. «ناز» مەملەكەتتىك بي تەاترى «تۇيعىندار» حورەوگرافيالىق سپەكتاكلىن ۇسىنادى.

15 جانە 16 جەلتوقسان كۇندەرى ساعات 19:00-دە نۇر-سۇلتان قالاسى اكىمدىگىنىڭ «Nomad City Hall» قوناقتارىن «جاس اباي» سپەكتاكلىنىڭ پرەمەراسىنا شاقىرادى.

م. گوركي اتىنداعى مەملەكەتتىك اكادەميالىق ورىس دراما تەاترى كورەرمەندەر ءۇشىن 15 جەلتوقسان كۇنى كەشكە ن. گوگولدىڭ «جەنيتبا» كومەدياسىن ۇسىنادى.

كەلەسى كۇنى ونلاين فورماتتا ساكەن سەيفۋللين، بەيىمبەت مايلين جانە ءىلياس جانسۇگىروۆتىڭ «كرىلاتايا يسپوۆەد ۆولنىح سەردەتس» شىعارمالارى بويىنشا تەاتر ۇجىمى مۋزىكالىق-پوەتيكالىق كومپوزيتسياسىن ساحنالايدى.

16 جەلتوقسان كۇنى ساعات 12:00، 14:00 جانە 16:00-دە قۋىرشاق تەاترى «اتامەكەن« پاتريوتتىق قويىلىمىن ۇسىنادى.

وسى كۇنى تسيرك قويىلىمى مەن ەلوردالىق تسيرك ۇيىمداستىرعان دەرەكتى باعدارلامانى مىنا پاراقشادان كورۋگە بولادى.

ال الەۋمەتتىك جەلىلەردە جاستار سارايىنىڭ «جىگەر» ەسترادالىق-دجاز ءانسامبلىنىڭ مۋزىكالىق قۇتتىقتاۋى وتەدى.

ايتا كەتەيىك، بارلىق ءىس-شارالار سانيتارلىق تالاپتارعا ساي وتكىزىلەدى.

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار