پارتيا توراعاسى, ءماجىلىس دەپۋتاتى ايقىن قوڭىروۆ پەن اتالعان پارتيانىڭ اتىنان پارلامەنت ءماجىلىسىنىڭ دەپۋتاتتىعىنا كانديدات ولجاس سىزدىقوۆ كوكشەتاۋداعى اقمولا وبلىستىق اۋرۋحاناسىنىڭ مەديتسينا قىزمەتكەرلەرىمەن كەزدەسۋ وتكىزدى. وندا پارتيا باعدارلاماسىنىڭ تەزيستەرى ءتۇسىندىرىلدى. كەزدەسۋدە اۋرۋحانانى تەحنيكالىق جابدىقتاۋ, مەديتسينا قىزمەتكەرلەرىنىڭ جۇمىس كەستەسى, قىزمەتكەرلەردىڭ جالاقىسى, بىلىكتىلىك تالاپتارى, دارىگەرلەر ءۇشىن الەۋمەتتىك كەپىلدىكتەردى ارتتىرۋ ماسەلەلەرى كوتەرىلدى. قحپ وتاندىق مەديتسينا دەڭگەيىن, حالىققا قىزمەت كورسەتۋ ساپاسىن ارتتىرۋ جانە وسى سالادا جۇمىس ىستەيتىن قىزمەتكەرلەردىڭ مارتەبەسىن ءوسىرۋ ءۇشىن قاجەتتى شارالاردىڭ ءبارىن قابىلداپ, قولدانۋعا نيەتتى.
سونداي-اق تالدىقورعانداعى «رۋحاني جاڭعىرۋ» عيماراتىندا اتالعان پارتيانىڭ وكىلى, ءماجىلىس دەپۋتاتى يرينا سميرنوۆا, وسى پارتيانىڭ اتىنان پارلامەنت ءماجىلىسىنىڭ دەپۋتاتتىعىنا كانديدات ەرلان سمايلوۆ, قحپ الماتى وبلىستىق فيليالىنىڭ ءبىرىنشى حاتشىسى ساۋلە بيعاروۆا ءوڭىر تۇرعىندارىمەن كەزدەسۋ وتكىزدى. كەزدەسۋدە پارتيانىڭ, ونىڭ دەپۋتاتتىق فراكتسياسىنىڭ جۇمىسى تۋرالى اقپارات بەرىلدى.
دىتتەگەن ماقساتقا جەتۋ ءۇشىن پارتيا قويعان مىندەتتەردىڭ ەرەكشەلىگى سايلاۋشىلاردىڭ نازارىن اۋدارىپ قانا قويماي, ەلەكتوراتتىڭ شىنايى قىزىعۋشىلىعىن وياتتى.
قازاقستان الەۋمەتتىك باعدارلانعان مەملەكەتكە اينالۋعا ءتيىس, دەپ ەسەپتەيدى قحپ كانديداتتارى. سوندىقتان مەديتسينا مەن ءبىلىمنىڭ قولجەتىمدىلىگى مەن ساپاسى قالىپتى نورماعا اينالۋى ءتيىس.
