اتالعان ساباقتار وقۋ سىنىپتارى مەن پوليگونداردا, بارىنشا جاۋىنگەرلىك جاعدايعا كەلتىرىلگەن كۇيدە وتكىزىلەدى. قارۋلى كۇشتەردىڭ بىرىڭعاي كەشەندى ستراتەگيالىق مىندەتتەرى شەڭبەرىندە تەك قويىلعان ماقساتتاردا عانا ەمەس, شتاتتان تىس احۋالدار بويىنشا دا ءىس-قيمىلعا دايىن بولۋ كەرەك. اسىرەسە بۇل ەكى ماقساتتى: اسكەري-ترانسپورتتىق اۆياتسيا, رادياتسيالىق, حيميالىق جانە بيولوگيالىق قورعانىس, اسكەري مەديتسينا كومپونەنتتەرىنە قاتىستى.
وقۋ ۇدەرىسىندە بارلىق ساناتتاعى اسكەري قىزمەتشىلەر زاماناۋي باعدارلامالىق-وقىتۋ كەشەندەرىن, ياعني ەلەكتروندى تيرلەر مەن كارتالاردى, جاۋىنگەرلىك كولىكتەردىڭ ترەناجەرلارىن, اۆياتسيا مودەلدەرىن پايدالانادى.
جەكە ساباقتار مەن بولىمشە قۇرامىندا وقۋ ءۇشىن ترەناجەرلار, ت-72 تانكى, بمپ-2, «كاماز», بتر-82ا جانە باسقالارىنىڭ مودەلدەرى بەلسەندى قولدانىلادى. ولار موتورەسۋرستاردى, ججم مەن وق-دارىلەردى پايدالانباي, ەكيپاجدىڭ جيناقى جۇرۋىنە مۇمكىندىك بەرەدى.
ت-72 تانك ەكيپاجىنىڭ كەشەندى ترەناجەرى – تانك ەكيپاجدارىن وقىتۋ مەن جاتتىقتىرۋعا ارنالعان. نىسانالاردى بارلاۋ ەپتىلىگىن, بارلىق وق-ءدارى تۇرىنەن, سناريادتى باسقارۋدى قوسا ايتقاندا, ءتۇرلى رەجيمدە, ءتۇرلى تاۋلىكتە جاعدايىندا قارۋ-جاراق كەشەنى ارقىلى اتىستى جۇرگىزۋدى قالىپتاستىرادى.
بتر-82ا ترەناجەرلارىندا جاياۋ اسكەرلەردىڭ جاۋىنگەرلىك كولىك ەكيپاجدارىن وقىتادى. كەز-كەلگەن اۋا رايىندا, ءتۇرلى تاۋلىكتە, كوزدەۋ قۇرىلعىسى مەن باقىلاۋ قۇرالىن پايدالانۋ ارقىلى بارلىق قارۋ تۇرىنەن ءتيىمدى اتىس جۇرگىزۋدى وقىتادى.
كومانديرلەر اتىستارىن جانە بولىمشەلەردىڭ ارتيللەريادان اتىسىن باسقارۋدى وقىتۋعا ارنالعان ترەنجەرلار – ەلەكتروندى جانە كىشى ارتيللەريا ءتيرى.
بۇل اسكەري قىزمەتشىلەردى دايارلاۋعا ارنالعان جاقسى بالاما. «پروفەسسيونال» اتىس تيرىندە اتىس ءۇشىن كادىمگى قاعاز جانە پلاستيكالىق نىسانالار قولدانىلادى. ءبىر ۋاقىتتا 8 باعىتتا اتىپ, ءتۇرلى جاتتىعۋلاردى ورىندايدى. ءار اتىستىڭ ناتيجەسى ناقتى ۋاقىتقا جاسالادى. جاتتىعۋ اياقتالعان سوڭ بىردەن, ءار اتقان وعىڭدى ەگجەي-تەگجەيلى بولشەكتەۋگە بولادى. ەلەكتروندى تيردەگى سىمسىز قارۋدىڭ سالماعى مەن ولشەمى تۇپنۇسقالارعا سايكەس كەلەدى. ونىڭ ىڭعايلىلىعى سول, وندا اتۋ قوزعالىسى شەكتەۋلى ەمەس.
اۋە قورعانىسى كۇشتەرىنىڭ بولىمدەرى مەن اسكەري وقۋ ورىندارىندا وقۋ-جاتتىعۋ ۇشۋلارى ءۇشىن جاۋىنگەرلىك جويعىش ۇشاقتاردا ۇشۋدىڭ تولىق كورىنىسىن كورسەتەتىن سۋ-30 سم كەشەندى ترەناجەرلەرى, مي 8-تىكۇشاقتارمەن جانە L-39س وقۋ-جاۋىنگەرلىك ۇشاعىمەن اۆياسيمۋلياتورلارى قولدانىلادى.
اۋە قورعانىسى كۇشتەرى اسكەري ينستيتۋتىنىڭ وقىتۋشىلارى L-39س اۆياسيمۋلياتورىن ازىرلەپ, ونى وقىتۋعا ەندىردى. ونىڭ بىرقاتار ەرەكشەلىكتەرى بار. ۇشاقتىڭ قۇرىلىمى, قوزعالتقىشى مەن قارۋ-جاراق تولىعىمەن مودەلدەنگەن. ۇشۋ ديناميكاسىنىڭ كاسىبي مودەلى دە جاسالدى. ەكى ينتەراكتيۆتى كابينادا بارلىق ناقتى پروتسەدۋرالار جۇمىس ىستەيدى. كۋرسانتتىڭ ءىس-قيمىلىن باعالاۋ ءۇشىن پارامەترلەرمەن ۇشۋدى قايتا قاراۋ مۇمكىندىگى كوزدەلگەن. ەكراندا ۇشاقتىڭ كەز-كەلگەن فۋنكتسيونالدى جۇيەسىنىڭ جۇمىسىن كورسەتۋگە بولادى.
ترەناجەرلارداعى جاتتىعۋلاردان كەيىن اسكەري قىزمەتشىلەر شىنايى جاعدايلاردا قارۋ-جاراق پەن اسكەري تەحنيكانى مەڭگەرۋگە كىرىسەدى.
