جالپى ماقتاارال اۋدانىندا 86,5 شاقىرىمدى قۇرايتىن رەسپۋبليكالىق, 208,7 شاقىرىمدى قۇرايتىن وبلىستىق, 44,3 شاقىرىمدى قۇرايتىن اۋداندىق ماڭىزى بار جولدار بار جانە ەلدى مەكەندەردىڭ ىشكى كوشەلەرى 569,2 شاقىرىمعا جەتەدى.
2019 جىلى اۋداندا 3,6 شاقىرىمدى قۇرايتىن اۋداندىق ماڭىزى بار 3 اۆتوكولىك جولىن كۇردەلى جوندەۋ جۇمىستارىنا 161 ميلليون تەڭگە قارجى قارالىپ, نىسانداردىڭ قۇرىلىسى وسى جىلدىڭ سوڭىنا دەيىن اياقتالادى دەپ كۇتىلۋدە. سونىمەن قاتار 2020 جىلى اۋداندىق بيۋدجەتتەن 381 ميلليون تەڭگە قارجى قارالىپ, 51,05 شاقىرىمدى قۇرايتىن 94 ىشكى كوشەگە تاس توسەۋ جۇمىستارى جۇرگىزىلدى.
جىل سوڭىنا دەيىن 1,6 ميلليارد تەڭگەگە 62,7 شاقىرىمدى قۇرايتىن 77 ىشكى كوشەلەرگە اسفالت توسەۋ جۇمىستارى جوسپارلانعان بولسا, قازىرگى تاڭدا 70 كوشەگە اسفالت توسەلدى. ونىڭ ىشىندە, "اۋىل - ەل بەسىگى" باعدارلاماسى اياسىندا 41 كوشە, جەرگىلىكتى بيۋدجەت ەسەبىنەن 7 كوشە, سۋ تاسقىنى سالدارىنان قالپىنا كەلتىرىلەتىن 29 كوشە بار.
ايتا كەتەيىك, ا-15 رەسپۋبليكالىق اۆتوموبيل جولىنىڭ كىرەبەرىس-گ ۇلىستان تارماعى جانە وبلىستىق ماڭىزى بار كح-77, كح-78, كح-80, كح-164 اۆتوموبيل جولدارى ورتا جوندەۋدەن وتسە, كح77, كح100 اۆتوموبيل جولدارى اعىمداعى جوندەۋدەن ءوتتى.
