ا.قوڭىروۆتىڭ ايتۋىنشا, قازاقستان كوممۋنيستىك حالىق پارتياسى جۋىردا ءوز اتاۋىن وزگەرتىپ, بۇدان بىلاي قازاقستان حالىق پارتياسى دەپ اتالادى. الايدا پارتيا بۇرىنعى ۇستانىمدارىنان, بۇعان دەيىنگى باعىتىنان اينىعان جوق. تەك الداعى جوسپارلارى مەن دامۋ داڭعىلىن عانا ايقىنداپ العانعا ۇقسايدى. ياعني قازاقستان حالىق پارتياسى ەلدىڭ ساياساتىن الەۋمەتتىك باعىتقا بۇرعان.
پارتيا توراعاسىنىڭ ايتۋىنشا, پارتيا URANkz رەسپۋبليكالىق قوعامدىق بىرلەستىگىمەن ارىپتەستىك ورناتقان. ماسەلەن, پارتيا مۇشەلەرى اتالعان بىرلەستىكپەن بىرگە «قىزىل اۆتوبۋس» اكتسياسىنىڭ شەڭبەرىندە اتىراۋ, سولتۇستىك قازاقستان جانە اقتوبە وبلىستارىندا بولىپ, «ەڭبەك» باعدارلاماسى اياسىندا سالىنىپ جاتقان تۇرعىن ۇيلەردىڭ قۇرىلىسىمەن تانىسىپتى. سونداي-اق پارتيا وكىلدەرى وسى وبلىستاعى كەيبىر اۋداندار مەن اۋىلداردى ارالاپ, الەۋمەتتىك ماسەلەلەرگە دە ءمان بەرگەن.
نۇر-سۇلتان
