بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي ءوزىنىڭ Facebook پاراقشاسىندا ءمالىم ەتتى.
"يتاليا جانە چيلي ەلدەرىمەن بىرلەسە وتىرىپ, بىرىككەن ۇلتتار ۇيىمى, ۇلىبريتانيا جانە فرانتسيا ۇيىمداستىرعان بۇل ءىس-شارا ۆيدەو كونفەرەنتسيا فورماتىندا وتەدى. ۆيرتۋالدى سامميتكە قاسىم-جومارت توقاەۆتان بولەك 75 مەملەكەتتىڭ پرەزيدەنتتەرى مەن ۇكىمەت باسشىلارى, حالىقارالىق ۇيىمداردىڭ, بيزنەس قۇرىلىمدارىنىڭ جەتەكشىلەرى, قوعامدىق جانە اكادەميالىق توپتاردىڭ وكىلدەرى قاتىسادى", دەيدى بەرىك ءۋالي.
سونداي-اق ءباسپاسوز حاتشىسى جيىنعا قاتىسۋشى ەلدەر پاريج كەلىسىمىنىڭ نەگىزگى ءۇش كومپونەنتى اياسىندا جاڭا ءارى اسا ماڭىزدى مىندەتتەردى جاريالايتىنىن ايتتى.
اتاپ ايتقاندا كوروناۆيرۋس ىندەتىنەن كەيىنگى كەزەڭدە ەكولوگيالىق جانە تۇراقتى قالىپقا كەلۋ ماسەلەلەرىن قامتاماسىز ەتۋگە باعىتتالعان كليماتتىڭ وزگەرۋى سالدارىن جەڭىلدەتۋ, ولارعا بەيىمدەلۋ جانە قارجىلاندىرۋ.
"مەملەكەت باسشىسى ءوزىنىڭ بەينە ۇندەۋىندە كليماتتىڭ وزگەرۋىنە قارسى كۇرەستە ەلىمىزدىڭ قولدانىپ جاتقان نەگىزگى ادىستەرى جونىندە ايتىپ, پاريج كەلىسىمىندە بەكىتىلگەن ماقساتتار مەن مىندەتتەرگە بەيىلدىگىن ناقتىلايدى دەپ جوسپارلانۋدا", دەيدى بەرىك ءۋالي.
ءىس-شارانىڭ تىكەلەي ترانسلياتسياسىن مىنا سىلتەمە ارقىلى كورۋگە بولادى: https://www.climateambitionsummit2020.org/index.php
