ۇكىمەت • 12 جەلتوقسان، 2020

ۇكىمەت باسشىسى ەلورداداعى ءۇي قۇرىلىسى كومبيناتىنىڭ اشىلۋىنا قاتىستى

22 رەت كورسەتىلدى

پرەمەر-مينيستر اسقار مامين نۇر-سۇلتان قالاسىندا ModeX ءۇي قۇرىلىسى كومبيناتىنىڭ اۆتوماتتاندىرىلعان كونۆەيەرلىك جەلىسىنىڭ رەسمي اشىلۋىنا قاتىستى، دەپ حابارلايدى Egemen.kz

كاسىپورىندا قۇرىلىس مەرزىمىن قىسقارتۋعا، ونىڭ ساپاسىن ارتتىرۋعا جانە تۇرعىن ءۇيدىڭ وزىندىك قۇنىن تومەندەتۋگە مۇمكىندىك بەرەتىن، اقش، سينگاپۋر جانە گەرمانيادا قولدانىلاتىن ءىرى بلوكتى ءۇي قۇرىلىسىنىڭ يننوۆاتسيالىق تەحنولوگيالارى ەنگىزىلگەن.

مودۋلدىك بلوكتار تۇرعىن ءۇي كەشەندەرىن، كوتتەدجدەردى، الەۋمەتتىك ينفراقۇرىلىم وبەكتىلەرىن، ونىڭ ىشىندە وقۋ ورىندارىن، ساۋدا پاۆيلوندارىن، قىزمەتتىك ءۇي-جايلاردى جانە ت. ب. سالۋدا دا پايدالانىلادى.

ءىرى بلوكتى ءۇي قۇرىلىسى كليماتتىق جاعدايلارعا تاۋەلدى ەمەس، ويتكەنى جۇمىستىڭ 80%-ى — ارماتۋرا بايلامىنان باستاپ تازا ارلەۋدە مودۋلدەردى قالىپتاستىرۋعا دەيىن كاسىپورىندا جۇزەگە اسىرىلادى، بۇل بارلىق پروتسەستەردى ەداۋىر جىلدامداتادى. ماسەلەن، بولاشاقتا 16 قاباتتى تۇرعىن ءۇيدى سالۋ ءۇشىن تەك ءتورت اي ۋاقىت قاجەت بولادى.

1

مودۋلدەردى وندىرۋگە قاجەتتى نەگىزگى ماتەريال — كەرامزيتبەتون. كاسىپورىننىڭ تەمىربەتون ءونىمى "قازقسعزي" اق-نىڭ جوعارى بەرىكتىگى مەن ۇزاق مەرزىمدىلىگىنە جاسالعان سىناعىنان ءساتتى ءوتتى. كوپ ساتىلى وپەراتسيالىق باقىلاۋدىڭ جانە اۆتوماتتاندىرۋدىڭ جوعارى دەڭگەيىنىڭ ارقاسىندا جوعارى ساپالى ونىمگە قول جەتكىزىلەدى.

BI Group قۇرىلىس حولدينگىنىڭ ەنشىلەس كاسىپورنى – ءۇي قۇرىلىسى كومبيناتىنىڭ جوبالىق قۋاتتىلىعى جىلىنا 200 مىڭ شارشى مەتر تۇرعىن ءۇيدى قۇرايدى. 2023 جىلعا دەيىن جالپى جوبالىق قۋاتى 500 مىڭ شارشى مەتر تۇرعىن ءۇيدىڭ ءۇش كەزەگىن سالۋ كوزدەلگەن. كومبينات 1 مىڭنان استام جۇمىس ورنىن اشادى. الداعى ۋاقىتتا الماتى مەن شىمكەنتتە ءىرى بلوكتى ءۇي قۇرىلىسى زاۋىتتارىن اشۋ جوسپاردا بار.

ء"ىرى بلوكتى ءۇي قۇرىلىسى قازاقستاننىڭ قۇرىلىس سالاسىن دامىتۋعا سەرپىن بەرەدى جانە ەلىمىزدىڭ تۇرعىن ءۇي جانە الەۋمەتتىك ينفراقۇرىلىمىن سالۋ كولەمىن كەڭەيتۋ جونىندەگى مىندەتتەردى شەشۋگە ىقپال ەتەدى"، دەدى ا. مامين.

ءىس-شاراعا پرەمەر-ءمينيستردىڭ ورىنباسارى ر.سكليار، نۇر-سۇلتان قالاسىنىڭ اكىمى ا.كولگىنوۆ، يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ، ءبىلىم جانە عىلىم ءمينيسترى ا.ايماعامبەتوۆ قاتىستى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار