ەلوردا • 12 جەلتوقسان، 2020

ءورتتىڭ سالدارىنان 5 قىزىنان ايىرىلعان وتباسى ۇلدى بولدى

448 رەت كورسەتىلدى

ءورت سالدارىنان بەس قىزىنان ايىرىلعان ەلوردالىق وتباسىندا ۇل بالا دۇنيەگە كەلدى. اقجولتاي حاباردى قوعام بەلسەندىسى تاڭىربەرگەن بەردوڭعاروۆ ءوزىنىڭ Facebook پاراقشاسىنا جاريالادى، دەپ حابارلايدى Egemen.kz

ء"ورت سالدارىنان بالالارىنان ايىرىلىپ، قايعىعا باتقان سيتەر وتباسىن ءسابيلى بولۋلارىمەن قۇتتىقتايمىن!. جانىمگۇل اياعى اۋىر بولعان كەزدە كوز تيمەۋى ءۇشىن بۇل تۋرالى ەشكىمگە ايتپاۋىمدى وتىنگەن ەدى. بۇگىن ولاردىڭ شاڭىراعىندا قۋانىشتى جاڭالىق! ومىرگە ۇل كەلدى!"، دەپ جازدى تاڭىربەرگەن بەردوڭعاروۆ ءوزىنىڭ Facebook پاراقشاسىندا.

تاڭىربەرگەن بەردوڭعاروۆ سونداي-اق ەرلى-زايىپتىلاردى ۇلدى بولۋلارىمەن قۇتتىقتادى.

"سىزدەردى حالىق اتىنان قۇتتىقتايمىن جانە ۇلدارىڭىزدىڭ نەسىبەسى ارتا بەرسىن دەپ تىلەيمىز! سىزدەردىڭ قىزدارىڭىزعا دەگەن ۇلكەن ماحابباتتارىڭىزدىڭ، قارىنداستارىنىڭ قۇرمەتىنە وراي لايىقتى مۇراگەر بولسىن! بۇل ماحاببات ونى بارلىق جاماندىق اتاۋلىدان ساقتاسىن. باۋى بەرىك بولسىن!"، دەپ جازدى ول.

ەسكە سالا كەتەيىك، 4 اقپاندا ساعات 2:34-تە استاناداعى تجد "101" تەتىگىنە سارىارقا اۋدانى شىڭعىستاۋ كوشەسىندەگى جەكە تۇرعىن ءۇيدىڭ اۋلاسىنداعى بولەك تۇرعان ۋاقىتشا باسپانادان ءورت شىققانى تۋرالى حابار كەلىپ تۇسكەن. ءورتتى ءسوندىرۋ كەزىندە 2006، 2008، 2013، 2015 جانە 2018 جىلى تۋعان بەس بالانىڭ مايىتتەرى تابىلدى. ولاردىڭ اتا-انالارى جۇمىستا بولعان.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار