سانيتاريالىق-ەپيدەميولوگيالىق باقىلاۋ كوميتەتىنىڭ حابارلاۋىنشا, وتكەن تاۋلىكتە قازاقستان اۋماعىنا گەرمانيا, مالديۆ رەسپۋبليكاسى, ەگيپەت, ءباا, تۇركيا, ۋكراينا, رف, بەلارۋس رەسپۋبليكاسى جانە وزبەكستاننان 21 حالىقارالىق اۋە رەيسى كەلگەن. 1 668 اۋە جولاۋشىسىنىڭ ىشىندە پتر-تەستىلەۋدىڭ تەرىس ناتيجەسى بار انىقتامامەن 1 530 ادام, انىقتاماسىز 138 ادام - قر ازاماتى كەلگەن.
"انىقتاماسىز كەلگەن قازاقستان ازاماتتارى كەلگەن جەرى بويىنشا كارانتيندىك ستاتسيونارلارعا ورنالاستىرىلىپ, پتر-تالداۋ ادىسىمەن COVID-19-عا تەست تاپسىردى. بارلىق 139 ازاماتتىڭ تەست سىنامالارى تەرىس ناتيجە كورسەتتى. ءبىر كۇن بۇرىن, 2020 جىلدىڭ 9 جەلتوقسانىندا انىقتاماسىز كەلگەن 115 ادامنىڭ پتر سىنامالارى دا تەرىس ناتيجە كورسەتتى", دەلىنگەن حابارلامادا.
سونداي-اق تاشكەنت قالاسىنان ۇشىپ كەلگەن وزبەكستان ازاماتى, COVID-19 تەستىنەن ءوتۋ تۋرالى مەرزىمى وتكەن انىقتامانى ۇسىنۋىنا بايلانىستى نۇر-سۇلتان قالاسىنىڭ اۋەجايىنان دەپورتاتسيالاندى.
