قازاقستاننىڭ رۋمىنياداعى ەلشىلىگىندە وتكەن ەلشى نۇرباح رۇستەموۆتىڭ رۋمىنيا مادەنيەت ءمينيسترى بوگدان گەورگيۋمەن جانە مادەنيەت مينيسترلىگىنىڭ مەملەكەتتىك حاتشىسى ميحاي فيريكەمەن جۇمىس كەزدەسۋى بارىسىندا مادەنيەت سالاسىنداعى ەكىجاقتى ىنتىماقتاستىقتىڭ احۋالى مەن ونى تەرەڭدەتۋدىڭ كەلەشەگىن تالقىلاندى.
اتاپ ايتقاندا, تاراپتار 2021 جىلعا ارنالعان بىرلەسكەن ءىس - شارالار كەستەسىن – “اباي قۇنانباي ۇلى – ميحاي ەمينەسكۋ” حالىقارالىق پوەزيا فەستيۆالىن وتكىزۋ جانە نۇر-سۇلتان قالاسىنداعى بۋحارەست سكۆەرىندە رۋمىن اقىنىنىڭ ءبيۋستىن ورناتۋ, سونداي-اق ونىڭ ەڭبەكتەرىن قازاق تىلىنە اۋدارۋ جانە قازاقستاندا كىتاپ شىعارۋ ماسەلەلەرىن تالقىلادى.
كەزدەسۋ سوڭىندا قازاقتىڭ ۇلى اقىنى جانە ويشىلى ابايدىڭ 175 جىلدىعىن اتاپ ءوتۋ كەزىندە ەكىجاقتى مادەني بايلانىستاردى دامىتۋعا قوسقان ەلەۋلى ۇلەسى ءۇشىن ب. گەورگيۋعا اباي اتىنداعى مەرەيتويلىق مەدال تابىس ەتىلدى.
