جول-كولىك وقيعاسىنىڭ سالدارىنان 88 ادام قازا تاۋىپ (2019 ج. – 99), 732 ادام جاراقات الدى. جول-كولىك وقيعالارىنىڭ ەداۋىر بولىگى ەلدى مەكەندەردە (370), رەسپۋبليكالىق جانە حالىقارالىق ماڭىزى بار جولداردا (109) ورىن الادى. وندا جالپى 55 ادام قازا تاۋىپ, 162 ادام جاراقات العان.
اقتوبە وبلىسىنىڭ اۋماعىندا 2020 جىلعى 9-28 قاراشا ارالىعىندا قايعىلى وقيعاعا اكەپ سوققان جول-كولىك وقيعالارىنىڭ 15 فاكتىسى انىقتالىپ, سالدارىنان 16 ادام قازا تاپتى.
– بۇل كولىك قۇرالىن جۇرگىزۋشىلەردىڭ مەتەورولوگيالىق جانە جول جاعدايلارىن ەسكەرمەيتىندىگىن, قارسى قوزعالىس جولاقتارىنا شىعاتىندىعىن, قوزعالىس قاۋىپسىزدىگىنە ءمان بەرمەستەن باسىپ وزۋ مانەۆرىن جاسايتىندىعىن كورسەتەدى, – دەپ اتاپ ءوتتى دەپارتامەنت باستىعى اتىعاي ارىستانوۆ.
وسىعان بايلانىستى پوليتسيا دەپارتامەنتى جۇرگىزۋشىلەردەن جولداردا مۇقيات بولۋدى سۇرايدى, سەبەبى ويلانباي ارەكەت ەتۋدىڭ سالدارىنان بوگدە ادامدار جاپا شەگۋى مۇمكىن.
