2020 جىلدىڭ 11 ايىنىڭ قورىتىندىسىندا وڭدەۋ ونەركاسىبىندە وڭ ءۇردىس ساقتالدى. سالانىڭ بارلىق سەكتورلارىندا ءوسىم بار. ماشينا جاساۋ سالاسىندا 116,4% دەڭگەيىندە تۇراقتى ءوسىم ساقتالدى. اۆتوكولىك قۇرالدارى, ترەيلەرلەر جانە جارتىلاي تىركەمەلەر, وزگە كولىك قۇرالدارىن, ەلەكتر جابدىقتارىن جاساۋ, ماشينالار مەن جابدىقتار ءوندىرىسى ءوستى. ءتۇستى مەتاللۋرگيادا دا وڭ ديناميكا بايقالادى. ءوسىم - 102,2%.
«تازارتىلعان التىن, قۇيما التىن ءوندىرۋ, تۇيىرشىكتەردەگى كۇمىس, دورە قورىتپاسى, باستاپقى اليۋميني جانە باسقا دا كورسەتكىشتەردىڭ وسۋىنە قول جەتكىزىلدى. قارا مەتاللۋرگيادا ءوسىم 100,4% بولدى. ارماتۋرا پروكاتى, فەررو-سيليكو-مارگانەتس, ارماتۋرالار, شارلار جانە دومالاق شىبىقتاردىڭ تاۋار ءوندىرىسى ءوستى. فارماتسەۆتيكا ونەركاسىبى ىشكى نارىقتىڭ ەڭ قاجەتتى ونىمدەرگە سۇرانىسىن تولىق وتەپ, ءوندىرىس كولەمىن 139,5% جەتكىزدى», — دەدى ب. اتامقۇلوۆ.
جەڭىل ونەركاسىپتە ءوندىرىس 15,5% ءوستى. ول توقىما بۇيىمدارى ءوندىرىسىنىڭ, كيىمنىڭ جانە بىلعارى ونىمدەردىڭ ۇلعايۋىنا بايلانىستى بولدى. قاعاز جانە قاعاز ونىمدەرى ءوندىرىس كولەمىنىڭ ءوسىمى 14,6% قۇرادى. اعاش جانە تىعىن بۇيىمدارى ءوندىرىسى كولەمىنىڭ ءوسىمى 47,3% قۇرادى.
«كولىك سالاسىندا ناقتى كولەم يندەكسى 2020 جىلدىڭ قاڭتار-قاراشا ايلارىندا 82,9% قۇرادى. ءداستۇرلى سەگمەنتتەردەگى تاسىمالداردىڭ تومەندەۋىنە قاراماستان, كونتەينەرلىك جۇكتەردى ترانزيتتىك تاسىمالداۋدا وڭ ناتيجەگە قول جەتكىزدىك. وتكەن جىلدىڭ وسى كەزەڭىمەن سالىستىرعاندا 799,7 مىڭ جيىرما فۋنتتىق بالاما تاسىمالداندى. ءوسىم 136% قۇرادى», — دەدى يندۋستريا جانە ينفراقۇرىلىمدىق دامۋ ءمينيسترى.
كولىكتىڭ بارلىق تۇرىمەن جۇك تاسىمالداۋ كولەمى 3,6 ملرد توننانى نەمەسە بىلتىرمەن سالىستىرعاندا 93,2% قۇرادى. قۇرىلىس سالاسىندا ناقتى كولەم يندەكسى 2020 جىلدىڭ قاڭتار-قاراشا ايلارىندا 112,1% بولدى. 15 وڭىردە وڭ ديناميكا بايقالادى. تۇرعىن ءۇي قۇرىلىسىندا بيىلعى 11 اي قورىتىندىسىندا 12,1 ملن ش.م. باسپانا پايدالانۋعا بەرىلدى, بۇل – وتكەن جىلدىڭ وسى كەزەڭىمەن سالىستىرعاندا 109,3% قۇرايدى.
رەسپۋبليكا بويىنشا بارلىعى 106 مىڭ 86 باسپانا پايدالانۋعا بەرىلدى. 15 وڭىردە بۇل كورسەتكىش ارتتى.
مينيسترلىك 2020 جىلعا قويىلعان مىندەتتەردى ىسكە اسىرۋ ءۇشىن سالالاردىڭ بارىنشا كەڭ شەڭبەرىندە رەتسەسسيا تارالۋىن تەجەۋ جانە نەعۇرلىم زارداپ شەككەن سالالارداعى جاعدايدى تۇراقتاندىرۋ ءۇشىن بارلىق قاجەتتى شارالاردى قابىلداپ جاتىر. جىل قورىتىندىسى بويىنشا جوسپارلى كورسەتكىشتەرگە قول جەتكىزىلەدى.
