ەلوردا • 09 جەلتوقسان، 2020

ەلوردادا قىلمىس دەڭگەيى 37% تومەندەدى

19 رەت كورسەتىلدى

اntikor.live جوباسىندا نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنىڭ سۋدياسى ايگۇل قايداروۆا ەلوردادا 10 مىڭ تۇرعىنعا شاققاندا قىلمىس دەڭگەيى 40،2% تومەندەگەنىن ءمالىم ەتتى، دەپ حابارلايدى Egemen.kz

"نۇر-سۇلتان قالاسىندا "زورلىق-زومبىلىقسىز 16 كۇن" اكتسياسى ءوتىپ جاتىر. اكتسيا 25 قاراشادا باستالعان. بۇگىن وسى اكتسيانى قورىتىندىلايمىز. وسى انتيكور ورتالىعىمەن بىرلەسە جۇمىس ىستەۋدەگى ماقسات – حالىقتى اقپاراتتاندىرۋ، ياعني سىزدەردىڭ پلاتفورما ارقىلى اتقارىلىپ جاتقان جۇمىس تۋرالى اقپارات بەرۋ. وسى جىلدىڭ 11 ايى بويىنشا اقپارات بەرىپ وتسەك، ايەلدەردىڭ زاڭدى قۇقىقتارى مەن مۇددەلەرىن قورعاۋ ماسەلەسى مەملەكەت باسشىسىنىڭ باقىلاۋىندا جانە بۇل ماسەلە وسى جىلدىڭ 1 قىركۇيەگىندە قازاقستان حالقىنا جولداۋىندا دا كورىنىس تاپقان بولاتىن. قازىرگى ۋاقىتتا تۇرمىستىق زورلىق-زومبىلىق فاكتىلەرىنىڭ ءوسۋى بايقالادى. وعان سەبەپ – بيىل پاندەمياعا بايلانىستى ادامداردى وقشاۋلاۋعا ماجبۇرلەۋ جاعدايى. پاندەميا كەزىندە ءبىر بولمەلى پاتەردە بىرنەشە وتباسى مۇشەسى بىرگە تۇرعان جاعدايلار بولدى. سەبەپسىز دۇكەنگە، دالاعا شىقپاۋ تۋرالى تالاپتار، كوپ ادامنىڭ جۇمىسسىز قالۋى بالاعا دا، ەرەسەكتەرگە دە كەرى اسەرىن تيگىزدى. وسى سەبەپتى تۇرمىستىق زورلىق-زومبىلىق فاكتىلەرى ارتتى"، دەيدى ايگۇل قايداروۆا.

ونىڭ ايتۋىنشا، 11 ايدىڭ قورىتىندىسى بويىنشا قىلمىستىڭ تىركەلۋى 37،1% تومەندەدى.

"قازىرگى تاڭدا بىزدە قىلمىستى اشۋ جاقسى جولعا قويىلعان. قازىر تسيفرلىق تەحنولوگيا زامانى، سوندىقتان قىلمىستى اشۋ بۇرىنعى جىلدارمەن سالىستىرعاندا الدەقايدا وڭاي. قىلمىستىڭ الدىن الۋ شارالارى بويىنشا جۇمىستار دا كۇشەيتىلدى. قازىرگى ۋاقىتتا پوليتسيا قىزمەتكەرلەرى 24/7 رەجيمىندە جۇمىس ىستەيدى. جالپى، تۇرمىستىق سالادا جاسالاتىن قۇقىق بۇزۋشىلىق، قىلمىستىڭ كوبى الكوگول ىشىمدىكتىڭ كەسىرىنەن ورىن الادى. ەلوردادا 10 مىڭ تۇرعىنعا شاققاندا قىلمىس دەڭگەيى 40،2% تومەندەدى"، دەيدى ول.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار