ولارعا ءتۇسىندىرۋ جۇمىستارى جۇرگىزىلىپ, 86 جەر يەسى 6427,66 گەكتار جەرىن يگەرۋدى باستادى. ال 14 ازاماتقا تيەسىلى 251,42 گەكتار جەر مەملەكەتكە قايتارىلعان.
قازىرگى تاڭدا قالعان تۇلعالاردىڭ يگەرىلمەي جاتقان جەرلەرى بويىنشا ءتيىستى جۇمىستار جۇرگىزىلۋدە. اۋدان اكىمى مۇحيت وتارشيەۆتىڭ مالىمەتىنشە, اۋداندا بيىلدىڭ 11 ايىندا جەر تەلىمدەرىن جالعا بەرۋدەن تۇسەتىن ءتۇسىم 11 ملن 741 مىڭ تەڭگە بولىپ جوسپارلانسا, قازىر بۇل كورسەتكىش 10 ملن 574,8 مىڭ تەڭگەگە (90,1%) ورىندالعان.
جىل باسىنان بەرى اۋىل شارۋاشىلىعى ماقساتىنداعى جەرلەرگە 4 رەت كونكۋرس وتكىزىلگەن. ناتيجەسىندە, 62 جەكە جانە زاڭدى تۇلعالارعا 5544,3 گەكتار اۋىل شارۋاشىلىعى ماقساتىنداعى جەر تەلىمى جالعا بەرىلىپ, قايتا اينالىمعا ەنگىزىلدى.
