ايتا كەتەيىك, بۇگىن ءبىلىم جانە عىلىم مينيسترلىگىنىڭ اپپارات جينالىسىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى قىسقى ەمتيحاندار سەسسياسىنا دايىندىق تاقىرىبى قارالدى.
"تەك قانا ءبىر ۋنيۆەرسيتەتتىڭ وزىندە قاشىقتان وقىتۋ فورماتىنا كوشۋ ءۇشىن قوماقتى قارجات ءبولىندى. ياعني قاشىقتان وقىتۋعا كوشۋ ءۇشىن ءبىراز جۇمىستى اتقارۋ قاجەتتىگى بولدى. ونىڭ ىشىندە تەحنيكالىق جۇمىستار بار. سوندىقتان تەك ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە عانا ەمەس, باسقا دا وقۋ ورىندارىندا دا اۋقىمدى جۇمىستار قابىلداندى", دەدى مينيستر.
وسىنداي وراي ول ءبىلىم بەرۋ ساپاسىن تومەندەتىپ الماۋ قاجەتتىگىن ايتتى.
ء"داستۇرلى وقىتۋ مەن قاشىقتان وقىتۋ فورماتىنداعى ساپا بىردەي دەپ ايتۋ قيىن. ءبىزدىڭ الدىمىزدا تۇرعان باستى ماقسات – ول بۇل ساپانى تومەندەتپەۋ ءۇشىن بارلىق قاجەتتى جۇمىستاردى اتقارۋ", دەدى ۆەدومستۆو باسشىسى. سونىمەن قاتار مينيستر قىسقى ەمتيحاندار سەسسياسىنا دايىندىق ماسەلەسىنە توقتالدى. وسى ورايدا پايدالانىلاتىن جۇيەنى ستۋدەنتتەرگە ەگجەي-تەگجەي ءتۇسىندىرۋ تاپسىرىلدى.
"اكادەميالىق ادالدىق قاعيدالارىن ساقتاۋ ماڭىزدىلىعى بار. "قاشىقتان تاپسىرىپ جاتىرمىن, ەشكىم كورمەي تۇر" دەپ كوشىرىپ الۋ نەمەسە باسقا دا ماسەلەلەر بولسا, ودان كەيىن ول ستۋدەنتتەردىڭ ناتيجەلەرى بەكىتىلمەسە, سۇراقتار تۋىندايتىنى بەلگىلى. سوندىقتان جۇيەلەردىڭ مۇمكىندىكتەرىن, ونىمەن جۇمىس ىستەۋ ءتارتىبىن, جاۋاپكەرشىلىك جاعىن ستۋدەنتتەر اراسىندا ءتۇسىندىرۋ جۇمىسىن جۇرگىزۋدى تاپسىرامىن. ءار ۋنيۆەرسيتەتتىڭ باسشىلىعى ستۋدەنتتەرگە قاتىستى بارلىق ءتۇسىندىرۋ جۇمىستارىن اتقارۋى كەرەك", دەدى ا.ايماعامبەتوۆ.
