پرەزيدەنت • 08 جەلتوقسان، 2020

قويشىنىڭ بالاسى ق.توقاەۆقا اشىق حات جازدى

2660 رەت كورسەتىلدى

"Shopan ata" ۇلتتىق قوي وسىرۋشىلەر قاۋىمداستىعىنىڭ توراعاسى الماسبەك سادىرباەۆ قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلىنا اشىق حات جولدادى، دەپ حابارلايدى Egemen.kz

"پرەزيدەنتكە بۇيىمتاي" دەپ باستالاتىن حاتتا الماسبەك جۇمابەك ۇلى ەلىمىزىدڭ كۇنتىزبە تىزىمىنە جالپى مالشىلار قاۋىمىنا ورتاق "شوپان اتا" كۇنىن بەلگىلەۋدى سۇراعان.

"ەلىمىزدە ءار جىل سايىن قۇتقارۋشىلار كۇنى، قارجىگەرلەر كۇنى، ارحەولوگتار كۇنى سەكىلدى اتاۋلى كۇندەر ۇمىت قالمايدى. ءتىپتى الەم حالىقتارىمەن بىرگە مىسىقتار كۇنىن، شاشتارازدار كۇنىن دە اتاپ وتەتىندەر بار. مەن ەلدى-مەكەندەردى، شالعايداعى اۋىلداردى كوپ ارالايمىن. قامشى ۇستاعان ەلمەن ءجيى جولىعامىن. مالشىلار قاۋىمى ءتورت ت ۇلىكتىڭ ارتىندا جۇرسە دە ەلدەگى ماڭىزدى جاڭالىقتاردى قالت جىبەرمەيدى. ولاردىڭ دا بەلگىلى ءبىر ماسەلەگە وزىندىك پىكىرى، ازاماتتىق ۇستانىمدارى بار. ال مالشىلار كۇنىنىڭ ماڭىزىن وسى اعايىندار كادىمگىدەي ءتۇسىنىپ، سۇراپ وتىر. وتكەن اپتادا بۇل ۇسىنىسىمىزدى قازاقستان حالقىنىڭ تالقىسىنا سالدىق. ول ءۇشىن الەۋمەتتىك جەلىلەردە ارنايى سۇراق-جاۋاپ جازبالارىن ۇسىندىق. ەلدىڭ ىقىلاسى ەرەكشە ەكەنىن كورىپ وتىرمىز. بۇل رەتتە "Shopan ata" قوي وسىرۋشىلەر قاۋىمداستىعىنىڭ اتىنان قازاقستان رەسپۋبليكاسىنىڭ مەرەكەلىك كۇندەرىنىڭ تىزبەسىنە مالشىلار قاۋىمىنىڭ اتىنان شوپان اتا كۇنىن ەنگىزۋ تۋرالى شەشىم قابىلداۋىڭىزدى سۇرايمىز"، دەيدى ا.جۇمابەك ۇلى.

اشىق حاتتىڭ مازمۇنىندا الماسبەك سادىرباەۆ بۇل كۇننىڭ ماڭىزدىلىعى مەن قاجەتتىگىن ايتىپ: "بۇل مەيرام جالپىحالىقتىق سيپات الۋى ءۇشىن كۇننىڭ جىلىعان شاعىنا، ناقتىسىن ايتساق، ماۋسىم ايىنىڭ ەكىنشى جەكسەنبىسىنە بەلگىلەنگەنى دۇرىس دەپ سانايمىز. اتالعان مەيرام استا-توك ىسىراپتى كوزدەمەيدى. قازاقتىڭ "...ءۇشىنشى بايلىق ون ساۋلىق" دەگەن اتالى ءسوزىن نەگىزگە الا وتىرىپ، مەيرام اتاۋىن رەسمي "شوپان اتا" دەپ اتالۋىن قۇپ كورەمىز. بىراق مەيرام بارشا مالشىلار قاۋىمىنا ورتاق بولماق"، دەپ بۇل كۇندى قالاي جانە قاشان اتاپ وتۋگە بولاتىنىن دا كورسەتكەن.

"Shopan ata" قاۋىمداستىعىنىڭ توراعاسى ءوز اشىق حاتىن: "بۇل رەتتە "حالىق ۇنىنە قۇلاق اساتىن مەملەكەت" تۇجىرىمداماسىن العا تارتا وتىرىپ، ەل ەكونوميكاسىنىڭ دامۋىنا ۇلەس قوسىپ كەلە جاتقان شوپاندار قاۋىمىنىڭ بۇيىمتايى جاۋاپسىز، ەسكەرۋسىز قالمايدى دەپ سەنەمىز"، دەپ اياقتاعان.

ايتا كەتەيىك، ەلىمىزدە قاراشا ايىنىڭ ىشىندە جالپى "اۋىلشارۋاشىلىق قىزمەتكەرلەرى كۇنى" اتاپ وتىلگەنىمەن، مالشى قاۋىمعا ارنالعان كۇنتىزبەلىك مەرەكە جوق.

سوڭعى جاڭالىقتار

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

«تالگوداعى» تالان-تاراج

قوعام • بۇگىن، 08:25

شالعايداعىلار شاعىم ايتادى

ءبىلىم • بۇگىن، 08:22

جاڭا مەكتەپتەر كوبەيەدى

ءبىلىم • بۇگىن، 08:20

ۇقساس جاڭالىقتار