- قازاقستان رەسپۋبليكاسىنا شەتەلدەن اۆيارەيستەرمەن كەلەتىن بارلىق ادامدار (قازاقستان رەسپۋبليكاسىنىڭ ۇكىمەتتىك دەلەگاتسيالارىن; اۆياكومپانيالار ەكيپاجدارىن قوسپاعاندا) تەرمومەتريادان, ساۋالنامادان وتەدى جانە قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن ساتتە ناتيجەسى بەرىلگەن كۇننەن باستاپ 3 تاۋلىكتەن اسپايتىن, پتر ادىسىمەن COVID-19-عا تەستتەن وتكەنى تۋرالى انىقتامانى (بۇدان ءارى – انىقتاما) ۇسىنۋعا مىندەتتى. الىپ جۇرەتىن ادامداردا انىقتاما بولعان جاعدايدا 5 جاسقا دەيىنگى بالالارعا انىقتاما ۇسىنىلمايدى.
- دەنە تەمپەراتۋراسى قالىپتى شەكتەگى, انىقتاما بەرگەن, كەلگەن ادامدارعا وسى قاۋلىعا 3-قوسىمشاعا سايكەس ءتيىستى قولحات الىنا وتىرىپ, CوVID-19-دىڭ ىقتيمال سيمپتومدارى تۋرالى ءتۇسىندىرۋ جۇرگىزىلەدى, ولار مەجەلى جەرىنە جول ءجۇرۋدى جالعاستىرادى.
- دەنە تەمپەراتۋراسى جوعارى كەلگەن ادامدار, انىقتامانىڭ بولۋىنا قاراماستان, ينفەكتسيالىق ستاتسيوناردا وقشاۋلاۋعا جاتادى.
- كەلگەن ادامدارعا ساۋالناما وسى قاۋلىعا 2-قوسىمشاعا سايكەس جۇرگىزىلەدى.
- قازاقستان رەسپۋبليكاسىنىڭ كەلگەن ازاماتتارى انىقتاما بولماعان جاعدايدا پتر ادىسىمەن COVID-19-عا زەرتحانالىق تەكسەرۋ ءۇشىن 3 تاۋلىككە دەيىن كارانتيندىك ستاتسيونارعا وقشاۋلاۋعا جاتادى. COVID-19-عا زەرتحانالىق تەكسەرۋ ناتيجەلەرىن العاننان كەيىن COVID-19-عا تەرىس ناتيجەسى بار كەلگەن ادامدارعا وسى قاۋلىعا 3-قوسىمشاعا سايكەس ءتيىستى قولحات الىنا وتىرىپ, COVID-19-دىڭ ىقتيمال سيمپتومدارى تۋرالى ءتۇسىندىرۋ جۇرگىزىلەدى. COVID-19-عا وڭ ناتيجەمەن كەلگەن ادامدار ينفەكتسيالىق ستاتسيونارعا جاتقىزىلادى.
