مەكتەپ مۋزەيلەرىندەگى ءتيىمدى تەتىكتەر

شارانىڭ ماقساتى – مەكتەپ مۋزەيلەرىن دامىتۋ جولدارىن جانە ولاردى وقۋ ۇر­دىسىندە پايدالانۋدىڭ ءتيىمدى تەتىكتەرىن ۇسىنۋ.

سەمينار مەكتەپ مۋ­زەي­لەرى ماماندارىنىڭ كاسى­بي قۇزىرەتتىلىگىن جە­تىل­­دىرۋ جانە تاجىريبە ال­ما­سۋ ماقساتىندا ۇيىم­داس­تى­رىلىپ وتىر. وتكەننەن قالعان تاريحي-مادەني قۇن­دىلىقتارىمىز جاس ۇرپاق تاربيەسىنىڭ قاينار كوزىنە اينالۋى ءتيىس.

جيىن بارىسىندا قا­زاقستان رەسپۋبليكاسى ۇلت­تىق مۋزەيىنىڭ قور ساق­تاۋ, ەكسكۋرسيالىق, مادەني-ءبىلىم بەرۋ جانە عىلىمي-زەرت­تەۋ قىزمەتى ماماندارى مەن نۇر-سۇلتان قالاسى اكىم­­دىگىنىڭ «بالالار مەن جاس­وس­پىرىمدەردىڭ تۋريزم جانە ولكە­تانۋ ورتالىعى» مكقك, سونداي-اق ەلوردالىق مەكتەپ مۋ­زەيلەرىنىڭ جەتەك­شىلەرى بايان­داما جاساپ, وقۋ-تاربيە ۇردىسىندە مەكتەپ مۋ­زەيلەرىن ءتيىم­دى پايدالانۋ تاقىرىبى ايا­سىندا وزەكتى ويلارىن ورتاعا سالدى.

تاجىريبە الماسۋ ماق­سا­تىندا سەمينارعا الەم­گە ايگىلى ارحەولوگ, تاريح­شى جا­نە رەستاۆراتور تات­يانا ني­كولاەۆنا قاتى­سىپ, ۇلت­تىق مۋزەيدىڭ تىكە­لەي قولداۋىمەن ۇيىم­داس­­تىرىلعان ءىس-شا­را­نىڭ ماڭىز­دىلىعىنا توق­تالدى. اۋس­تريا, يتاليا, دا­نيا, ارمەنيا, ازەربايجان, وز­بەكستان, تۇرىكمەنستان, رە­سەي ەلدەرىندە وتكەن عى­لىمي فورۋمداردىڭ قاتى­سۋشىسى, جۇزدەن استام عى­لىمي ەڭبەك پەن باسىلىم­نىڭ اۆتورى مۋ­زەي قىزمەتىن دامىتۋ ما­سە­­لەلەرى مەن جاڭا ادىستەرى ايا­­سىندا تىڭ يدەيالارىمەن ءبولىستى.

جيىن سوڭىندا مۋزەي جۇ­مىسىندا تۋىنداعان ما­سەلەلەر زەردەلەنىپ, سەمي­نار­عا قاتىسۋشىلاردىڭ وزىق تا­جىريبەلەرىن قول­دانۋ ار­قىلى, مەكتەپ مۋ­زەي­لەرىنىڭ جۇمىسىندا جا­ڭا ءادىس-تا­سىل­دەرى مەن مەك­تەپ مۋزەيلەرى قىز­مەتىن جە­تىل­دىرۋ جونىندە ۇسى­نىس­تار قا­­بىل­داندى.

سونىمەن قاتار اتالعان سەميناردىڭ بەلسەندى قاتى­سۋ­شىلارى ارنايى سەرتيفيكاتتارمەن ماراپاتتالدى.