وقيعا • 04 جەلتوقسان، 2020

قوستاناي وبلىسىندا ورتتەن 2 ءسابي كوز جۇمدى

29 رەت كورسەتىلدى

3 جەلتوقسان كۇنى دەنيسوۆ اۋدانىنداعى فرۋنزە اۋىلىندا اۋدان جۇرتشىلىعىن دۇرلىكتىرگەن جان شوشىرلىق وقيعا بولدى. وبلىستىق توتەنشە جاعداي دەپارتامەنتىنىڭ مالىمەتىنشە، قازا تاپقان سابيلەردىڭ ءبىرى – 2016 جىلى تۋعان قىز، ەكىنشىسى ەكى جاسار ۇل بالا، دەپ حابارلايدى Egemen.kz

ءورت شىققان ءۇيدىڭ يەلەرى تۇستەن كەيىن ساعات 14:00-دە ەكى بالانى سىرتىنان ق ۇلىپتاپ، كورشىلەس ايەت اۋىلىنا ازىق-ت ۇلىك الۋعا كەتكەن. ەكى ساعاتتان سوڭ قايتا ورالعان ەرلى-زايىپتى ۇيگە كىرىسىمەن، بىردەن ىستىڭ وتكىر ءيىسىن سەزەدى.   

"جۇگىرىپ ىشكى بولمەگە ەنگەن ولار الدىمەن ۇل بالانى، ودان كەيىن قىز بالانى سىرتقا الىپ شىعىپ، دەرەۋ فەلدشەرلىك پۋنكتتەن دارىگەر، جەرگىلىكتى سەرىكتەستىكتەن ەرىكتى ءورت ءسوندىرۋ جاساعىن شاقىرتقان. وكىنىشكە قاراي، ساعات 17:00-دە ەكى بالانىڭ ءولىمى تىركەلدى. ەكەۋى دە ەس جيا الماعان كۇيى كوز جۇمدى"، دەدى وبلىستىق تجد-نىڭ باستىعى ازامات ورىنباەۆ.    

ءورتتىڭ شىعۋ سەبەبى قاراۋسىز قالعان سابيلەردىڭ وت شىعارىپ ويناعانىنان بولعان.  بالالار جاتىن بولمەدە شىرپى جاعىپ ويناپ، ءورت باستالعاندا قورقىپ كەلەسى بولمەگە بارىپ تىعىلعان. ناتيجەسىندە، ەكەۋى دە ىستان ۋلانىپ كوز جۇمىپ وتىر.

تجد ماماندارىنىڭ ايتۋىنشا، وبلىستا  جىل باسىنان بەرى ءورت سالدارىنان 4 ءسابي كوز جۇمعان. ءورت سوندىرۋشىلەر وبلىس تۇرعىندارىنا، اسىرەسە، قىسقى ماۋسىمدا قاۋىپسىزدىك شارالارىن مۇقيات ساقتاۋدى جانە ۇيدەگى بالالاردى قاراۋسىز قالدىرماۋدى ەسكەرتەدى. 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار