ونەر • 04 جەلتوقسان، 2020

قازاقستاندىق فيلم "وسكارعا" ۇسىنىلدى

قازاقستاندىق " ۇلى دالا زارى" ءفيلمى جىلدىڭ باستى كينوجۇلدەسىنە – گولليۆۋدتىق "وسكارعا" ۇسىنىلدى، دەپ حابارلايدى Egemen.kz

اقمارال اعزامقىزى

كارتينا "شەت تىلىندەگى ۇزدىك فيلم" نوميناتسياسى بويىنشا كونكۋرستىڭ لونگ-ليستىنە (ۇمىتكەرلەردىڭ ۇزاق تىزىمىنە) ءتۇستى. ءفيلمدى ەلىمىزدىڭ كينەماتوگرافيستەر وداعى جانىنداعى قازاقستاننىڭ وسكار كوميتەتى تاڭدادى. قازىلار القاسىنىڭ قۇرامىنا كينو ونەرىنىڭ بەلگىلى قايراتكەرلەرى كىرەدى: ءاسانالى ءاشىموۆ، ولەگ بورەتسكي، فارحات ءابدىرايىموۆ، فارحاد ءشارىپوۆ، ارمان اسەنوۆ، ساتىبالدى نارىمبەتوۆ جانە قانات تورەباي.

فيلم پروديۋسەرى ەرنار مالىكوۆتىڭ ايتۋىنشا، بيىل قازاقستاننان بىردەن بىرنەشە كارتينا امەريكالىق "وسكار" كينوجۇلدەسىندە ەلدى تانىستىرۋعا ۇمىتكەر بولعان. " ۇلى دالا زارىنا" قازىلار القاسىنىڭ جەتى مۇشەسىنەن تورتەۋى داۋىس بەرگەن، ەكەۋى قارسى بولعان، بىرەۋى قالىس قالعان.

" ۇلى دالا زارى" كوركەم ءفيلمى قازاقستاننىڭ بايىرعى تۇرعىندارى باستان كەشكەن ناقتى تاريحي وقيعالارعا نەگىزدەلگەن. كارتينادا 1920-30 جىلدارداعى اشارشىلىق تۋرالى باياندالادى، ول كەزدە 8،5 ميلليونعا جۋىق ادام، ياعني حالقىنىڭ 70 پايىزى اشتىقتان قىرىلىپ قالعان ەدى. 1،5 ميلليوننان اسا ادام وتانىن تاستاپ، باسقا ەلدەرگە قاشۋعا ءماجبۇر بولعان.

ء"بىزدىڭ فيلم بەس جىل بويى ءتۇسىرىلدى. ونىڭ سەبى - قارجىلاندىرۋدىڭ جوقتىعىنان. بىزگە تۇسىرىلىمگە جانە پوستپروداكشەنگە اقشا جەتپەدى. قولداۋدى ۇزاق كۇتتىك، ءتىپتى ۋادە بەرگەندەر بولدى. بىراق سوڭىندا ءبىر تيىن دا المادىق، سوندىقتان جوباعا بارىمدى سالۋعا تۋرا كەلدى. وسى ۋاقىت ارالىعىندا مەن بارلىق م ۇلىكىمدى ساتتىم، قارىز الدىم، پاتەرىمدى كەپىلگە بەردىم. الايدا وسىنداي فيلم تۇسىرۋگە دەگەن تىلەگىم مەن قۇلشىنىسىم ماعان جارتى جولدا توقتاپ قالماۋعا كومەكتەستى. بۇل ءبىزدىڭ قاتىگەز زاماندا ءومىر سۇرگەن اتا-بابالارىمىزدىڭ الدىنداعى ازاماتتىق پارىزىمىز"، - دەدى ەرنار مالىكوۆ.

" ۇلى دالا زارى" پرەمەراسى جاقىندا لوس-اندجەلەستە وتكەن حالىقارالىق ازيا كينوفەستيۆالىندە بولدى.

"بۇل كارتينانىڭ نەگىزىندە تاريحي دەرەكتەر جاتىر، فيلمدە ءبارى ومىردەگىدەي كورسەتىلگەن. وسى فيلم ارقىلى ءبىز قازاق حالقىنىڭ وتكەنى تۋرالى ايتقىمىز كەلدى. ويتكەنى كوپتەگەن جىل بويى تاريحىمىزداعى قاتىگەز وقيعالار ءۇنسىز قالدى. كوپ ۋاقىت ءوتتى، بىراق بۇل تۋرالى ەشكىم بىلمەيدى. اتا-بابالارىمىز باسىنان نە وتكەرمەدى؟ ءبىز كەم دەگەندە "وسكاردىڭ" قىسقا تىزىمىنە كىرە الساق، وندا بۇكىل الەمگە كوپ نارسە كورسەتە الامىز"، - دەدى ماليكوۆ.

بۇدان بۇرىن " ۇلى دالا زارى" ءفيلمى "التىن گلوبۋس" سىيلىعىنىڭ لونگ-ليستىنە ەنگەنى بەلگىلى بولعان. كارتينا "شەت تىلىندەگى ەڭ جاقسى فيلم" ساناتىنداعى سىيلىق ءۇشىن كۇرەسەدى.