وتىرىستىڭ كۇن تارتىبىنە البانيانىڭ توراعالىعىمەن وتكەن ۇيىمنىڭ اعىمداعى جىلداعى جۇمىسىنىڭ قورىتىندىلارى جانە ەقىۇ كەڭىستىگىندەگى گەوساياسي احۋالدىڭ وزەكتى ماسەلەلەرىن تالقىلاۋ كىردى.
قازاقستان دەلەگاتسياسىن سىرتقى ىستەر ءمينيسترى مۇحتار تىلەۋبەردى باسقاردى. وتىرىستىڭ ماڭىزدى ماسەلەلەرىنىڭ ءبىرى ەقىۇ جاڭا باسشىلارىن – باس حاتشىنى, دياقب باسشىسىن, از ۇلتتار ىستەرى جونىندەگى جوعارعى كوميسساردى جانە باق ماسەلەلەرى جونىندەگى وكىلدى سايلاۋ بولدى.
مينيستر م.تىلەۋبەردى ءوز سوزىندە قر پرەزيدەنتى ق.توقاەۆتىڭ ساياسي جانە الەۋمەتتىك-ەكونوميكالىق رەفورمالارى تۋرالى حاباردار ەتتى. ول سونىمەن قاتار 2021 جىلعى 10 قاڭتاردا وتەتىن قر پارلامەنتى ءماجىلىسىنىڭ سايلاۋىنا دايىندىق تۋرالى حابارلادى.
ەقىۇ استانا ءسامميتىنىڭ 10 جىلدىعىن اتاپ ءوتىپ, م.تىلەۋبەردى ورتاق ەۋرازيالىق جانە ەۋرواتلانتيكالىق قاۋىپسىزدىك كەڭىستىگىن قالىپتاستىرۋ ءۇشىن كۇش-جىگەردى بىرلەسىپ سالۋعا شاقىردى.
