يسپانيا بيلىگى ءبىر توپ بالاعا ءىش اۋرۋىن ەمدەيتىن ومەپرازول ءدارىسىنىڭ ورنىنا شاشتىڭ وسۋىنە ارنالعان مينوكسيديلدى بەرگەنىن مويىندادى. ءسويتىپ ءدارى-دارمەككە تاڭبا بەلگىسى دۇرىس قويىلماي, قالاداعى بىرقاتار دارىحاناعا جەتكىزىلگەن.
كەيىن مينوكسيديلدى قابىلداعان بالالاردا گيپەرتريحوز اۋرۋى پايدا بولىپ, ولاردىڭ دەنەسىنەن تۇك شىعا باستاعان. اتا-انالار قالا بيلىگىنە قاتەسىن مويىنداۋعا, ءدارىنى كەرى قايتارۋعا جانە مۇنداي ولقىلىققا جول بەرگەن زەرتحانانى جابۋعا 2 اي ۋاقىت كەتكەن كورىنەدى.
اتالعان جايتقا نارازى بولعان اتا-انالار بۇل جاعدايدى كوپشىلىك بىلگەنىن قالاپ, وسى جاعدايعا قاتىستى تەرگەۋ باستالعان.
ەسكە سالا كەتەيىك, ءدال وسىعان ۇقساس تاعى ءبىر جايت 2019 جىلى اندالۋسيا مەن ۆالەنسيادا دا بولعان. زارداپ شەككەن وتباسىلار زەرتحاناعا جانە بىرنەشە كومپانياعا پرەپاراتتى وندىرىسكە يمپورتتاعانى جانە تاراتقانى ءۇشىن جانە كانتابرياداعى ەكى دارىحاناعا ازاماتتىق جانە قىلمىستىق شاعىم ءتۇسىردى.
ايتا كەتەرلىگى, گيپەرتريحوز ەمدەلمەيتىن اۋرۋ بولىپ سانالادى. سوندىقتان بالالاردىڭ بۇل اۋرۋدان جازىلاتىنىنا ەشكىم كەپىلدىك بەرە المايدى.
