قوعام • 03 جەلتوقسان، 2020

الماتىلىق نارەستەسىنىڭ ولىمىنە دارىگەرلەردى كىنالاپ وتىر

19 رەت كورسەتىلدى

جاس انانىڭ ايتۋىنشا، دارىگەرلەر ءسابيدىڭ جۇرەگىندە اقاۋ بارىن دەر كەزىندە انىقتاماعان. ناتيجەسىندە، ءسابي ءۇش ايدان كەيىن قايتىس بولعان، دەپ حابارلايدى Egemen.kz استانا تەلەارناسىنىڭ ءباسپاسوز قىزمەتىنە سىلتەمە جاساپ.

28 جاستاعى نۇرسۇلۋ مۋسينانىڭ العاشقى جۇكتىلىگى 9 اي بويى قالىپتى وتكەن. ءسابيىن 21 مامىردا قالاداعى پەريناتولوگيا جانە بالالار كارديوحيرۋرگيا ورتالىعىندا تۋعان. بىراق جاڭا تۋعان بالاسىنىڭ دەنساۋلىعىندا كىنارات بارىن سول كەزدە-اق سەزىپتى.

"بالانىڭ دەم العانى دا ءبىر ءتۇرلى بولدى. دەمىكپە. مەن ونىڭ دۇرىس ەمەس ەكەنىن بايقادىم. سول كەزدە پەرزەنتحانادا دارىگەردەن سۇرادىم. نەگە مەنىڭ بالام بۇلاي دەمالادى، قاراڭىزشى دۇرىس ەمەس سياقتى" دەپ دەگەنمەن ول "جوق جاڭا تۋعان بالانىڭ ءبارى وسىلاي دەمالادى دەپ جاۋاپ بەردى"، دەيدى نۇرسۇلۋ مۋسينا. 

دارىگەرلەر نارەستە مەن جاس انانى بەس كۇننەن كەيىن ۇيىنە شىعارعان. بىراق بالا كۇن وتكەن سايىن سالماق قوسۋ ورنىنا كەرىسىنشە السىرەي بەرىپتى. جەكە كلينيكانىڭ بىرىنە تەكسەرتكەندە، "تۋا بىتكەن جۇرەك اۋرۋىمەن تۋعان" دەگەن دياگنوز قويعان. ءسويتىپ ءسابي وتاعا دەيىن كوز جۇمعان.

ء"بىرىنشى قىركۇيەككە قاراعان ءتۇنى بالامنىڭ جۇرەگى توقتادى. مەن سوعان تاڭعالامىن، قازىر نەشە ءتۇرلى قۇرال، ۋزي بار. قالاي ونى كورە المادى؟"، دەيدى نۇرسۇلۋ مۋسينا.

باسقارما باسشىلارى تەلەارنا ساۋالىنا جازباشا قىسقا جاۋاپ جولداعان. قۇجاتتا ءسابيدىڭ جۇرەگىندەگى تۋا بىتكەن اقاۋدى ۋاقىتىندا كورۋ مۇمكىن بولماعانى ايتىلعان. ال سەبەبىن تۇسىندىرمەگەن. 

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار