ەكونوميكا • 01 جەلتوقسان، 2020

ە.دوساەۆ اقشا-نەسيە ساياساتىن جۇمسارتۋعا مۇمكىندىك بەرەتىن فاكتورلار تۋرالى ايتتى

19 رەت كورسەتىلدى

وسى اپتادا  ۇلتتىق بانك توراعاسى ەربولات دوساەۆ  اقشا –نەسيە ساياساتىن جۇمسارتۋعا مۇمكىندىك بەرەتىن جانە پايىزدىق مولشەرلەمەگە ىقپال ەتەتىن  فاكتورلار تۋرالى ويىمەن ءبولىستى، دەپ حابارلايدى Egemen.kz

قارجى نارىعىندا قالىپتاسىپ وتىرعان فاكتورلار تۋرالى اعىنان جارىلعان باس بانكير  اقشا-نەسيە ساياساتىن جۇمسارتقىسى كەلەتىنىن، بىراق جاعدايعا  وبەكتيۆتى، باسقاشا ايتقاندا شىندىقتىڭ كوزىنە تۋرا قاراۋعا ءماجبۇر بولىپ وتىرعانىن ايتتى.

2020 جىلدىڭ  10 ايىنىڭ  قورىتىندىسى بويىنشا بىزدە ينفلياتسيا 7،1 پايىزدان اسىپ كەتتى. ەربولات دوساەۆ ءتۇسىندىرىپ وتكەنىندەي، قازىرگى 9 پايىزدىق مولشەرلەمە قازىرگى جاعدايدىڭ بارومەترى. ۇلتتىق بانك باسشىسىنىڭ ايتۋىنشا، اقشا-نەسيە ساياساتىن جەڭىلدەتۋ مۇمكىندىگى ەلدەگى ينفلياتسيا تۇراقتالعان جاعدايدا پايدا بولادى. ۇلتتىق بانكتىڭ  ۇكىمەتپەن بىرگە يمپورتقا تاۋەلدىلىكتى ازايتۋ جانە ەكونوميكانى ءارتاراپتاندىرۋ بويىنشا قابىلداعان شارالار كەشەنى ينفلياتسيانى تومەندەتۋ تۇرعىسىنان وڭ اسەر ەتەدى دەگەن ءۇمىت بار.

– ءبىز ينفلياتسيا دەڭگەيىن 2021-2022 جىلدارى 4-6% دالىزىندە كۇتەمىز. بۇل جاعدايدا ءبىز اقشا-نەسيە ساياساتىن جەڭىلدەتۋگە مۇمكىندىك الامىز. ۇلتتىق بانك بۇدان باس تارتپايدى، –  دەپ اتاپ ءوتتى ە.دوساەۆ. 

وسىعان دەيىن ماماندار  ەلدىڭ باسەكەگە قابىلەتىن ۆاليۋتالىق باعام، پايىزدىق ستاۆكا جانە بيۋدجەت تاپشىلىعى سەكىلدى فاكتورلارمەن باسقارىلاتىن ماكروەكونوميكالىق قۇبىلىس دەپ قاراستىرىپ كەلگەن بولاتىن. سەبەبى ماكروەكونوميكالىق كورسەتكىشتەردى رەسپۋبليكامىزدىڭ بانك جۇيەسىنەن ءبولىپ قاراۋ مۇمكىن ەمەس. سوندىقتان ماماندار ۇلتتىق بانك جۇيەسىنىڭ باسەكەگە قابىلەتتىلىگىن كوتەرۋ ارقىلى ەلىمىزدىڭ ەكونوميكالىق-الەۋمەتتىك دامۋىنىڭ ماڭىزدى ماسەلەلەرىن شەشۋگە بولاتىنىن ءبىراز جىلدان بەرى ايتىپ كەلەدى.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ۇقساس جاڭالىقتار