ەلوردا • 01 جەلتوقسان، 2020

ەلباسى: "ابۋ-دابي پلازانىڭ" ەڭ بيىك مۇناراسىن "قازاقستان مۇناراسى" دەپ اتايمىن

42 رەت كورسەتىلدى

"ابۋ-دابي پلازانىڭ" ەڭ بيىك مۇناراسى "قازاقستان مۇناراسى" دەپ اتالادى. بۇل تۋرالى "Qazaqstan" تەلەارناسىنا بەرگەن سۇحباتىندا تۇڭعىش پرەزيدەنت – ەلباسى نۇرسۇلتان نازارباەۆ ايتىپ بەردى، دەپ حابارلايدى Egemen.kz

"كەلەسى جىلى اياقتالاتىن "ابۋ-دابي پلازانىڭ" ەڭ بيىك مۇناراسىن "قازاقستان مۇناراسى" دەپ اتايمىن. مۇنداي بيىك عيمارات جوق. كەڭ دالامىزدا الىستان كورىنىپ تۇراتىن بولادى. ءدىني جانە تۋريستىك ماقساتتا الەمدەگى ەڭ ۇلكەن مەشىت سالىنىپ جاتىر. ەل استاناسىن ودان ءارى كوركەيتۋ ءۇشىن تالاي ويلار، جوسپارلار بار. كوپ بولىپ قولعا الساق، اتقارىلمايتىن ءىس جوق. مۇنىڭ بارلىعى قازاقستاننىڭ الەم الدىنداعى الەۋەتىن كورسەتەدى"، دەدى ن.نازارباەۆ.

ەلباسى تەلەارناعا بەرگەن سۇحباتىندا تۇركىستان قالاسىن وبلىس ورتالىعى ەتىپ بەكىتۋ شەشىمىنىڭ ماڭىزى مەن قالانىڭ كەلەشەك جوسپارلارى جايىندا جان-جاقتى باياندادى. سونىمەن قاتار تۇركىستان بولاشاقتا ەل استاناسى بولۋى مۇمكىن بە دەگەن كوپشىلىك اراسىندا تاراعان قاۋەسەتكە قاتىستى پىكىرىن ءبىلدىردى.

"تۇركىستاندى كوتەرۋ – پارىزىمىز، ءبىزدىڭ حالقىمىز ءۇشىن قاجەت. بۇل تاريحى تەرەڭدە جاتقان كونە قالامىزدىڭ ءبىرى. تۇركىستانداعى كونە عيماراتتاردىڭ قالپىن ساقتاپ، جەرگىلىكتى حالىق پەن تۋريستەر ءۇشىن تاريحىمىزدى پاش ەتەتىن ورتالىق رەتىندە قالدىرۋىمىز قاجەت"، دەدى ەلباسى.

"تۇركىستان: كونە مەن كەلەشەك كوپىرى" دەرەكتى ءفيلمى ن.نازارباەۆتىڭ "قازاقستان" رەسپۋبليكالىق تەلەراديوكورپوراتسياسىنىڭ باسقارما ءتورايىمى، جۋرناليست ءلاززات تانىسبايعا بەرگەن سۇحباتى نەگىزىندە ازىرلەندى.

ەسكە سالا كەتەيىك، دەرەكتى تۋىندى "Qazaqstan" تەلەرناسىنان بۇگىن 20:00-دە ەفيرگە شىعادى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

ۇقساس جاڭالىقتار