شىمكەنت قالاسىنىڭ اكىمى مۇرات ايتەنوۆ جاڭا اۆتوبۋستاردى كورۋ ءۇشىن "T-bus" اۆتوپاركىنە ارنايى باردى.
Yutong اۆتوبۋستارى قوستانايداعى "سارىارقااۆتوپروم" زاۋىتىندا قۇراستىرىلدى. كولىك شىعاراتىن وتاندىق كاسىپورىن 2010 جىلى ەلباسى قر تۇڭعىش پرەزيدەنتى ن.نازارباەۆتىڭ تىكەلەي باستاماسىمەن اشىلعان بولاتىن. قالاعا اكەلىنگەن اۆتوبۋستار جوعارى ساپا ستاندارتىنا سايكەستەندىرىلگەن. باستى ارتىقشىلىعى –اۆتوبۋستاردىڭ تابيعي گازبەن جۇمىس ىستەۋىندە. سونداي-اق بارلىق اۆتوبۋستار بەينەكامەرا, جەلدەتكىش, حابارلاما جاريالاۋعا ارنالعان ميكروفوندارمەن جابدىقتالعان. پاندۋس پەن مۇگەدەكتەردىڭ اربالارىن ورنالاستىراتىن ورىندار دا قاراستىرىلعان.
بۇگىننەن باستاپ ءجۇز ەلۋ اۆتوبۋس №103, 27, 35, 84, 135, 92, 74, 12 مارشرۋتتارىندا قىزمەت كورسەتەدى.
ودان وزگە, بادام وزەنىنىڭ ۇستىنەن وتەتىن كوپىر تۇرعىندار يگىلىگىنە بەرىلدى. ا-2 "حورگوس-الماتى-شىمكەنت-وزبەكستان رەسپۋبليكاسىنىڭ شەكاراسى" اۆتوكولىك جولىن قايتا قۇرۋ جۇمىستارى تولىعىمەن اياقتالدى. قالا اكىمى مۇرات ايتەنوۆ قۇرىلىسى اياقتالعان كوپىردىڭ اشىلۋ راسىمىنە قاتىستى.
قولدانىستاعى كوپىر 1970 جىلدارى سالىنعان. ۇزىندىعى 144 مەتر, ەنى 11 مەتردى قۇرايتىن. 2005 جىلى كوپىردىڭ تەحنيكالىق جاعدايى اپاتتى دەپ تانىلدى. 2016 جىلى اتالعان رەسپۋبليكالىق ماڭىزى بار اۆتوموبيل جولى شىمكەنت قالاسىنىڭ تەڭگەرىمىنە قابىلدانىپ, 31,6 شاقىرىم جولدى قايتا قۇرۋ جۇمىستارىنا جوبالىق-سمەتالىق جۇمىستار (7 كەزەڭ) ازىرلەنە باستالدى. 1 كەزەڭ بويىنشا كوپىر قۇرىلىسى ءۇش كەزەڭ بويىنشا جۇرگىزىلىپ, 1 148 شاقىرىم جول جوندەلدى. قايتا قۇرۋ جۇمىستارىنىڭ ەسەبىنەن, اپاتتى كوپىردىڭ ورنىنا جاڭا كوپىر سالىنىپ, ەنى 22 مەترگە ۇلعايدى. ناتيجەسىندە كوپىردىڭ كولىك وتكىزۋ قابىلەتى 2 ەسەگە ارتتى.
سونىمەن قاتار, مەرەكە قارساڭىندا جاڭا ءبىلىم ورداسى اشىلدى. "شىم سيتي" شاعىناۋدانىندا ورنالاسقان №135 جالپى ورتا ءبىلىم بەرەتىن مەكتەپ 1200 ورىنعا ارنالعان.
شىمكەنت قالاسىنىڭ اكىمى مۇرات ايتەنوۆ جاڭادان سالىنعان ءبىلىم نىسانىمەن تانىسىپ, عيماراتتى ارالاپ كورگەن بولاتىن.
مەكتەپتە لينگافوندى كابينەت, ارنايى باستاۋىش سىنىپ كابينەتى, ەر بالالارعا ارنالعان تەحنولوگيا كابينەتى جانە سپورت زال بار. 720 وقۋشى ءبىلىم الۋدا.
ايتا كەتۋ كەرەك, شىمكەنتتە جىل سوڭىنا دەيىن بىرقاتار ءبىلىم وشاعىنىڭ قۇرىلىسى اياقتالىپ, ءۇش اۋىسىمدى مەكتەپتەر سانى ازاياتىن بولادى.
