الەم • 01 جەلتوقسان، 2020

كوروناۆيرۋسقا قارسى ۆاكتسينا ەگۋ باستالادى

31 رەت كورسەتىلدى

ۇلىبريتانيا العاشقىلاردىڭ ءبىرى بولىپ كورو­ناۆيرۋسقا قارسى ۆاكتسيناسىن جاپپاي قولدا­نىسقا ەنگىزبەك. وسىعان بايلانىستى ۇلتتىق دەنساۋلىق ساقتاۋ قىزمەتى اۋرۋحانالاردى 10 كۇن ىشىندە جاپپاي ەكپە جۇرگىزۋگە ازىرلەنۋدى تاپسىرعان.

جوسپار بويىنشا ۆاكتسينا سالۋ جەلتوقساننىڭ ورتاسىنان باستالادى. ەڭ ءبىرىنشى اۋرۋحانا دارىگەرلەرى مەن قىزمەتكەرلەرى ەكپە الادى. ۆاكتسينالاردىڭ العاشقى لەگى 7 جەلتوقساندا جەتكىزىلەدى. ۇلتتىق دەن­ساۋلىق ساقتاۋ قىزمەتىنىڭ حابارلاۋىنشا، بىر­نەشە كۇننىڭ ىشىندە ەكپەنى پايدالانۋ ماقۇلدانۋى ءتيىس. ۇلىبريتانيا Pfizer/BioNTech كومپانياسىنىڭ ۆاكتسيناسىنا تاپسىرىس بەرگەن.

العاشقىدا كوروناۆيرۋسپەن كۇرەستە الدىڭعى شەپتە جۇرگەن قىزمەتكەرلەر ەكپە الادى. سودان كەيىن كۇتۋ قىزمەتىنە مۇقتاجدار مەن 80 جاستان اسقاندارعا كەزەك بەرىلەدى. بيلىك وكىلدەرى بۇل ەكى توپتاعى ادامداردى COVID-19 ۆيرۋسىنان زيان شەگۋ ىقتيمالدىلىعى جوعارى بولعاندىقتان تىزىمگە ەنگىزگەن.

Pfizer كورپوراتسياسى وتكەن اپتادا BioNTech كومپانياسىمەن بىرلەسىپ جاساعان ۆاكتسينانى سىناۋدى اياقتاعانىن مالىمدەدى. ۆاكتسينا تيىمدىلىگى 95 پايىزدى كورسەتكەن. بۇعان دەيىن اتالعان ۆاكتسينا 90 پايىز يممۋنيتەت قالىپتاستىراتىنى تۋرالى مالىمەت تاراتقان ەدى.

كومپانيا وكىلدەرى جاقىن كۇندەرى اقش بيلىگىنە جانە ۆاكتسينانى تىركەۋ جونىندە تاپسىرىس بەرگەن وزگە ەلدەرگە جونەلتەتىنىن جەتكىزدى. ۆاكتسينانى سىناۋدىڭ ءۇشىنشى كەزەڭىنە قاتىسقان 43 مىڭ ەرىكتىنىڭ 170-ءى عانا كوروناۆيرۋس جۇقتىرعان. وندا دا ولاردىڭ 8-نە ەكپە سالعان، ال قالعاندارى پلاتسەبو العان.

Pfizer سونىمەن بىرگە ۆاكتسينانى ساقتاۋ ءۇشىن (ونى مينۋس 70°C-تەن كەم ەمەس تەمپەراتۋرادا ساقتاۋ كەرەك) ارنايى قۇرعاق مۇز ساقتايتىن كونتەينەرلەر جاساپ شىعارعانىن مالىمدەدى. كومپانيا بيىل 50 ميلليون، ال كەلەسى جىلى 1 ميلليارد دوزا ۆاكتسينا شىعارماق.

 

سوڭعى جاڭالىقتار

ۇقساس جاڭالىقتار