ايتا كەتەرلىگى, بۇل – SpaceX كومپانياسىنىڭ عارىشقا اتتاندىرعان 100-ءشى «سالەمدەمەسى». بيىل كومپانيا 23 مارتە عارىشقا زىمىران ۇشىرىپ ۇلگەردى. سونداي-اق بۇل ساپاردىڭ تاعى ءبىر ەرەكشەلىگى مىنادا. SpaceX زىمىران تاسىعىشتى قايتا پايدالانۋدى ماقسات ەتىپ, وسى باعىتتا جۇمىس ىستەگەنى ەسىمىزدە. كومپانيا اقىرى كوزدەگەنىنە جەتىپ, زىمىران تاسىعىشتى جەرگە امان-ەسەن قوندىردى. بۇل جولى وسىنداي ءتاسىل ارقىلى ءبىر زىمىران تاسىعىش 7-مارتە قولدانىلىپ وتىر.
فيلانتروپ يلون ماسك جەتەكشىلىك ەتەتىن كومپانيا الداعى بىرنەشە جىل كولەمىندە جەر-جاھاندى تەگىن ينتەرنەتپەن قامتاماسىز ەتپەك. بۇل ماقساتقا قول جەتكىزۋ ءۇشىن SpaceX كومپانياسى Starlink جوباسى اياسىندا 12 مىڭ سپۋتنيك ۇشىرۋدى كوزدەپ وتىر. وسى جولعى ساپاردان كەيىن عارىشتاعى Starlink جەر سەرىكتەرىنىڭ سانى 955-كە جەتتى. Starlink جوباسى اياسىندا العاش رەت 2018 جىلدىڭ 10 قىركۇيەگىندە سپۋتنيك ۇشىرىلعان ەدى.
يلون ماسك جىل سوڭىندا بۇكىل سولتۇستىك امەريكا قۇرلىعى جاڭا جوبانىڭ جەمىسىن كورەتىنىن ايتادى. جالپى, SpaceX كومپانياسى Starlink جوباسىن 2027 جىلعا دەيىن اياقتاۋدى كوزدەپ وتىر.
