نە قيىن ارتتا قالدى وتكەلىڭىز,
مۇراتقا وسى ەمەس پە جەتكەنىڭىز!
كوش باستاپ سارىارقاعا كۇنى كەشە,
كوك مۇزدى كۇتىرلەتىپ سوككەنىڭىز.
ۋاقىتتىڭ بۇركەسە دە كوك تۇمانى,
تاريحتىڭ ءىزىن قالاي جوق قىلادى؟
ەل كۋا ەلوردانىڭ كوشكەنىنە,
كورىنبەس اق بوراندا ات قۇلاعى.
كەتكەندەي بار ءومىرى سەلگە ءتىپتى,
سۇم تاعدىر ارىستاردى جەرگە تىقتى.
ەرلىكتىڭ ارقاسىندا ءسىز جاساعان,
ورداسىن قازاق ەلى كەڭگە تىكتى.
تامىلجىپ بەيبىت كۇننىڭ تاڭ شۋاعى,
ومىرگە ۇرپاق كەلەر سانسىز ءالى.
جۇلدىزداي جايناي بەرسىن جامىراعان,
نۇر-سۇلتان قالاسىنىڭ شامشىراعى!
كەلەشەك عاسىرلاردىڭ الدىن وراپ,
تاريحقا ەڭبەگىڭىز بەردى جاۋاپ.
اتادان اسىپ تۋعان مارعاسقانىڭ
جازىلعان ماڭدايىنا ەل قۇراماق!
قازاقتىڭ ريزا عىپ كۇللى اتاسىن,
الىپتى ءسىرا سىزدەي كىم باتاسىن؟
كوتەرىپ شاڭىراعىن, تۋىن قالاپ,
بەكىتتىڭ شەگاراسىن, ىرگەتاسىن.
تۋعىزعان سىزدەي ەردى ءداۋىر ناعىز,
تىلەكشى قاۋىم دا – ءبىز, باۋىر دا – ءبىز!
الاتاۋ سەكىلدەنىپ الاسارماس,
ءجۇرىڭىز امان-ەسەن, اۋىرماڭىز!
نەسىپبەك ايت ۇلى
