كەلەس اپب-نە جەرگىلىكتى تۇرعىن ايەل ارىزدانىپ, ۇيىنە قىدىرىپ كەلگەن تۇرمىستاعى قىزىنىڭ ءىز-ءتۇزسىز جوعالىپ, تابىلماي جاتقاندىعىن حابارلاعان. العاشقىدا جاقىندارى مەن اتا-ەنەسى ىزدەپ, ارەكەتتەنگەن. ناتيجە شىقپاعاننان سوڭ, پوليتسيا قىزمەتكەرلەرىنىڭ كومەگىنە جۇگىنۋگە ءماجبۇر بولعان.
اتالعان جايتتى كەلەستىك پوليتسەيلەر بىردەن تىركەۋگە الىپ, جوعالعان كەلىنشەكتى ىزدەستىرە باستايدى. ىزدەستىرۋ جۇمىستارىنا ۋچاسكەلىك پوليتسەيلەر مەن جەدەل ۋاكىلدەر جۇمىلدىرىلدى. ولار كەلىنشەكتى تەز ارادا تابۋ ماقساتىندا تاكسي جۇرگىزۋشىلەرىنەن, كورىپ نەمەسە ءبىلۋى مۇمكىن دەگەن ادامداردان سۇراستىرۋلار جۇرگىزدى. ناتيجەسىندە پوليتسەيلەر بەينەكامەرا ارقىلى كەلىنشەكتىڭ اۆتوكولىككە وتىرىپ, شىمكەنت قالاسىنا قاراي كەتكەنىن انىقتادى.
ءبىر تاۋلىك ىشىندە ءىس-ءتۇزسىز كەتكەن جاس ايەل مەگوپوليستە قىدىرىپ جۇرگەن جەرىنەن تابىلىپ, جاقىندارىنا جەتكىزىلدى. تەرگەۋ بارىسىندا انىقتالعانداي نەبارى التى اي بۇرىن وتاۋ تىككەن ەرلى-زايىپتىلاردىڭ اراسىندا ءوزارا كيكىلجىڭ بولعان. سونىڭ سالدارىنان اشۋعا بوي الدىرعان كەلىنشەك ەشكىمگە ايتپاستان ۇيىنەن بەلگىسىز باعىتقا شىعىپ كەتكەن.
بۇگىنگى تاڭدا ارنايى ماماندارمەن ءتۇسىندىرۋ جۇمىستارى جۇرگىزىلىپ, كەلىنشەك ۇيىنە قايتارىلدى. ءوز كەزەگىندە كەلىنشەكتىڭ جاقىندارى مەن قايىن جۇرتى ءدىن امان تابىلعانىنا قۋانىپ, پوليتسەيلەرگە العىستارىن جەتكىزدى.
