ءتيىستى قاۋلىعا ءوڭىردىڭ باس مەملەكەتتىك سانيتاريالىق دارىگەرى نۇربەك نىشانوۆ قول قويدى. اتا-انالاردىڭ وتىنىشىمەن ءداستۇرلى فورماتتا وقيتىن سىنىپتاعى وقۋشىلار سانى 15-تەن اسپاۋى شارت. ءار پارتاعا ءبىر بالادان شاحماتتى رەجيمدە وتىرعىزىلادى. ساباق ۋاقىتى 40 مينۋتتان اسپايدى.
تۇركىستان وبلىسى سانيتاريالىق-ەپيدەميولوگيالىق باقىلاۋ دەپارتامەنتىنىڭ تالابىنا سايكەس, مەكتەپ قابىرعاسىندا ءبىلىم الۋشىلار اراسىندا كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا ءداستۇرلى فورماتتا ساباق وقىتىلاتىن كەزەكشى سىنىپتاردا جانە شاعىن جيناقتالعان مەكتەپتەردە سانيتاريالىق-گيگيەنالىق تالاپتارى قاتاڭ ساقتالۋى قاجەت. وقۋ كابينەتتەرىندە انتيسەپتىگىمەن سانيتايزەرلەر ورناتىلۋى قاتاڭ قاداعالانعان.
وقۋشىلار مەن مۇعالىمدەردىڭ دەنە تەمپەراتۋراسى كۇن سايىن ولشەنىپ, ارنايى جۋرنالعا تىركەلەدى. بەتپەردەلەر ءار 2 ساعات سايىن اۋىستىرىپ, قولدانىلعان لاس ماسكالاردى ارنايى بەلگى قويىلعان قوراپتارعا تاستاۋ تالاپ ەتىلەدى. ادامدار اراسىندا 1,5 مەتردەن اسا قاشىقتىقتى ساقتاۋ ماڭىزدى. سول سەبەپتى مەكتەپتە اراقاشىقتىقتى ساقتاۋعا ارنالعان بەلگىلەر سىزىلىپ, ءبىر باعىتتى قوزعالىس ۇيىمداستىرىلعان.
