ءىس – شارانىڭ نەگىزگى ماقساتى-حالىقپەن كەرى بايلانىستى قامتاماسىز ەتۋ, ولاردىڭ پروبلەمالىق ماسەلەلەرىن شەشۋ, سونداي-اق "ەستيتىن مەملەكەت" تۇجىرىمداماسىن ىسكە اسىرۋ اياسىندا سەنىم دەڭگەيىن ارتتىرۋ.
ىشكى ىستەر ءمينيسترى ەرلان تۇرعىمباەۆ اتاپ وتكەندەي, ۆەدومستۆو باسشىلىعىنىڭ جانە ونىڭ اۋماقتىق بولىمشەلەرىنىڭ قاتىسۋىمەن اۋداندىق پوليتسيا بولىمدەرىنە دەيىن ازاماتتاردى قابىلداۋ ەپيدەميولوگيالىق جاعدايدى ەسكەرە وتىرىپ جانە زاماناۋي تەحنولوگيالاردى پايدالانا وتىرىپ, ونلاين-رەجيمدە جۇرگىزىلەدى.
دەپارتامەنت باستىعى پوليتسيا گەنەرال-مايورى جاناربەك باقتىباەۆتىڭ قابىلداۋىنا ءارتۇرلى ساناتتاعى ساۋالدارى بار ازاماتتار جۇگىندى. بۇل رەتتە پايدالانىلاتىن ارنايى باعدارلامالىق قامتاماسىز ەتۋ ناقتى ۋاقىت رەجيمىندە ءوتىنىش بەرۋشىلەردى قاشىقتان قابىلداۋدى جۇزەگە اسىرۋعا مۇمكىندىك بەردى. كوپتەگەن سۇراقتار قىلمىستىق, اكىمشىلىك ماتەريالدارعا, سونداي-اق ىشكى ىستەر ورگاندارىنا قىزمەتكە قايتا قابىلدانۋعا قاتىستى بولدى. بارلىق كەلۋشىلەرگە وزدەرىن قىزىقتىرعان ماسەلەلەر بويىنشا بىلىكتى جاۋاپتار بەرىلدى.
باقتىباەۆ قىزمەت باسشىلارىنا ناقتى تاپسىرمالار بەردى. قوسىمشا زەرتتەۋدى قاجەت ەتەتىن ماتەريالداردى ول جەكە باقىلاۋعا الدى.
سونىمەن قاتار, قالالىق جانە اۋداندىق پوليتسيا بولىمشەلەرىنىڭ باستىقتارى دا ءوز اۋماعىندا ازاماتتاردى ونلاين رەجيمىندە قابىلدادى.
ماڭعىستاۋ وبلىسى
