«وسى ايدا كوروناۆيرۋس جۇقتىرعان 36 ناۋقاس كوز جۇمدى. ولاردىڭ ىشىندە 10 ادام 65 جاسقا دەيىن بولسا, 25 ناۋقاس 65 جاستان اسقان ازاماتتار. وسى ناۋقاستاردىڭ 8-ءى عانا ەمحاناعا اۋرۋدىڭ 7-تاۋلىگىندە كەلگەن. قالعان 28-ءى 10 كۇننەن اسقاندا كەلدى. 19 ناۋقاس ۇيدە تۋىستارىنىڭ ايتۋىمەن ەمدەلگەن. ولاردىڭ بارلىعىندا قوسارلى سوزىلمالى دياگنوزدارى بولعان. اسا اۋىر حالدە جاتقان ناۋقاستاردىڭ جاسى 57 مەن 83 جاس ارالىعىندا», - دەدى جانار مادەەۆا. ونىڭ ايتۋىنشا, قالادا كۇنىنە 40 ادامنان سيمپتومسىز كوروناۆيرۋس تابىلادى.
«ال ينفەكتسيالىق ستاتسيونارلاردا 257 ادام, ونىڭ ىشىندە 15 بالا ەمدەلىپ جاتىر. ولاردىڭ 20-سى اسا اۋىر حالدە, 65 ادام اۋىر حالدە, 230 ادامنىڭ جاعدايى ورتاشا دارەجەدە. جانساقتاۋ بولىمىندە 29 پاتسيەنت جاتىر. وكپەنى جاساندى جەلدەتۋ اپپاراتىنا 3 ادام قوسىلعان», - دەدى جانار مادەەۆا. بۇگىندە زەرتحانالىق تالداۋمەن راستالعان 442 ادام ۇيىندە وقشاۋلانعان. پاندەميا باستالعالى بەرى الماتىدا 15 876 ادامنان كوروناۆيرۋس تابىلدى. ونىڭ ىشىندە 14 740 ادام جازىلىپ شىقتى, 323 ادام قايتىس بولدى.
الماتى
