قازاقستان • 27 قاراشا، 2020

ديماش Junior Eurovision بايقاۋىنا قاتىساتىن قاراقات باشانوۆامەن كەزدەستى

13 رەت كورسەتىلدى

وسى جەكسەنبىدە Junior Eurovision حالىقارالىق ءان بايقاۋى وتەدى. ديماش قۇدايبەرگەن قازاقستان اتىنان ونەر كورسەتەتىن قاراقات باشانوۆامەن كەزدەستى، - دەپ حابارلايدى dimashnews.com

حالىقارالىق ءان سايىسى 29 قاراشا، سەنبى كۇنى ۆارشاۆادا وتەدى. پاندەمياعا بايلانىستى تىكەلەي ەفير كەزىندە شوۋ جۇرگىزۋشىلەرى پولشادا بولادى. ال قاتىسۋشىلار ءوز ەلدەرىنەن نومىرلەردى بەينە بايلانىس ارقىلى ۇسىنادى دەپ شەشىلگەن.

جاۋاپتى سىن الدىندا قاراقات ءىرى حالىقارالىق بايقاۋلاردىڭ جەڭىمپازى، تاجىريبەلى ءانشى ديماش قۇدايبەرگەنوۆپەن كەزدەستى. جاس ونەرپازبەن الەمگە ايگىلى ءانشى 2019 جىلدان بەرى تانىس. ول كەزدە ديماشتىڭ تۋعان قالاسى اقتوبەدە Baqytty Bala بايقاۋى ءوتىپ، قاراقات  ءۇشىنشى ورىن يەلەنگەن بولاتىن.

بۇگىنگى كەزدەسۋ نۇر-سۇلتانداعى ورتالىق كونتسەرت زالىندا بولدى. ديماش قاراقاتقا قولداۋ ءبىلدىرىپ، اكەسىنە ارنالعان «Forever» انىنە قاتىستى.

«سەنىڭ بويىڭداعى تالانت مەنى تەبىرەنتتى. ول مىندەتتى تۇردە باسقالاردى دا تاڭ قالدىراتىنىنا سەنىمدىمىن»، – دەپ جىگەرلەندىرە ءتۇستى.

ديماش ءوز تاجىريبەسىمەن ءبولىسىپ، كەڭەس بەردى. نومەردى ورىنداۋدا  ۆوكالدان بولەك ساحنالىق شەبەرلىك قاجەت. «جەڭىسكە جەتۋ ءۇشىن جاقسى كوڭىل-كۇي دە ماڭىزدى»- دەپ اقىلىن ايتتى.

قاراقات ماڭىزدى سىن الدىندا ديماشتىڭ ءوزى دايىندىققا كەلىپ، قاتىسقانىنا قاتتى قۋاندى. كەزدەسۋدەن شابىت العان ونەرپاز سۇيىكتى انشىسىنە قولداۋ بىلدىرگەنى ءۇشىن العىس ايتىپ،  ءوز وتانىنىڭ اتىنان لايىقتى ونەر كورسەتۋگە كۇش سالاتىنىن جەتكىزدى.

قاراقاتقا ديماشتىڭ قارىنداسى راۋشان دا ساتتىلىك تىلەدى. جاس ونەرپازعا بالالار ەۆروۆەدەنيەسىنە قاتىسۋعا راۋشان ۇسىنىس ايتقان بولاتىن.

ەستەرىڭىزگە سالا كەتەيىك، قاراقات بالالار ەۆروۆيدەنيەسىنە قازاقستان اتىنان قاتىسىپ وتىرعان ءۇشىنشى ونەرپاز. بۇعان دەيىن Junior Eurovision بايقاۋىندا دانەليا تولەشوۆا (2018 ج.) باق سىناپ، التىنشى ورىنعا يە بولدى. وتكەن جىلى بۇل سىننىڭ ەكىنشى ورىنىن  ەرجان ماكسيم جەڭىپ الدى.

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار