ايماقتار • 27 قاراشا، 2020

ەرەكشە بالالار ءۇشىن شىعارماشىلىق الەۋمەتتەندىرۋ ورتالىعىن قۇرۋ ۇسىنىلدى

17 رەت كورسەتىلدى

قازاقستاندا ەرەكشە پەداگوگيكانى قاجەت ەتەتىن بالالار ءۇشىن بۇكىل رەسپۋبليكادا فيليالدارى بار شىعارماشىلىق الەۋمەتتەندىرۋ ورتالىعىن قۇرۋ كەرەك، دەپ ەسەپتەيدى قازاقستان جانە ورتالىق ازيا بويىنشا وتباسى ينستيتۋتىنىڭ اتقارۋشى ديرەكتورى ەلميرا اليەۆا.

«قوعامداعى ينكليۋزيۆتى مادەنيەت جاعدايىندا الەۋمەتتەنۋدىڭ تۇپكى ناتيجەسى بالانىڭ قوعامعا بەيىمدەلۋى، ياعني ونىڭ جەكە قالاۋىن، ۇمتىلىسىن، الەۋەتتى مۇمكىندىكتەرى مەن قابىلەتتەرىن ساقتاي وتىرىپ، ونىڭ وزىندىك شىعارماشىلىق ءومىرىن قالىپتاستىرۋ. بىزدە شىعارماشىلىق ارقىلى الەۋمەتتەندىرۋدىڭ جاقسى تاجىريبە بار. بۇل «الماتىنىڭ قىزىل الماسى – مىقتى جانە باقىتتى وتباسىنىڭ سيمۆولى» – بالالارعا ارنالعان ينكليۋزيۆتى فەستيۆال. ءبىز بۇل ۇلگىنى قازاقستان بويىنشا ەنگىزبەكپىز، ياعني فيليالدارى بار بالالاردى شىعارماشىلىق ارقىلى الەۋمەتتەندىرۋدىڭ جاڭا Adaptation ورتالىعىن قۇرعىمىز كەلەدى»، دەدى اليەۆا «ينتەرفاكس-قازاقستان» اگەنتتىگىنىڭ ونلاين ءباسپاسوز كونفەرەنتسياسىندا.

ء«بىز ينۆەستورلار ىزدەۋدەمىز جانە مەملەكەتتىڭ كومەگىنە ۇمىتتەنىپ وتىرمىز»، دەيدى قازاقستان جانە ورتالىق ازيا بويىنشا وتباسى ينستيتۋتىنىڭ اتقارۋشى ديرەكتورى.

اليەۆانىڭ ايتۋىنشا، ورتالىقتا مۇمكىندىگى شەكتەۋلى بالالاردىڭ الەۋەتىن ىسكە اسىرۋ جانە الەۋمەتتەندىرۋ ءۇشىن جاعداي جاساۋ كوزدەلگەن. بالالارمەن جىل بويى كاسىبي ماماندار جۇمىس ىستەيتىن بولادى.

 

 

الماتى

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار