ايماقتار • 27 قاراشا، 2020

الماتىداعى حقو-دا انا مەن بالاعا ارنالعان ىقشام بولمە اشىلدى

11 رەت كورسەتىلدى

«ازاماتتارعا ارنالعان ۇكىمەت» مەملەكەتتىك كورپوراتسياسى فرونت-وفيستەرگە كەلەتىن مەملەكەتتىك قىزمەتتەردى الۋشىلارعا بارىنشا جاعداي جاساۋعا جاناشىر بولۋعا ۇمتىلىپ وتىر. اتاپ ايتقاندا، زەينەتكەرلەر مەن كوپ بالالى انالارعا جەكە جەڭىلدىك تەرەزەسىندە قىزمەت كورسەتىلەدى، مۇمكىندىگى شەكتەۋلى تۇلعالارعا مەملەكەتتىك قىزمەتتەردى ىڭعايلى الۋدا قولايلى ورتا جاسالعان.

بۇدان باسقا، «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ الماتى قالالىق فيليالى «Mama Nova» كومپانياسىمەن بىرلەسىپ، حقو-لاردا انا مەن بالانىڭ ءموبيلدى بولمەلەرىن جاساقتادى. ونىڭ العاشقىسى المالى اۋدانىنداعى فرونت-وفيسكە ورنالاستىرىلدى.

«حقو-عا سابيىمەن كەلگەن انالار بالاسىن ەمىزۋگە نەمەسە جورگەگىن اۋىستىرۋ ءۇشىن وڭاشا ورىن ىزدەۋگە ءماجبۇر بولاتىن. ەندى ولار انا مەن بالاعا ارنالعان بولمەنى پايدالانا الادى»، - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ ديرەكتورى دانيار قىرىقباەۆ.

انا مەن بالاعا ارنالعان ءموبيلدى بولمە فرونت-ءوفيستىڭ 1-قاباتىندا ورنالاسقان. قىرىقباەۆ ءدال وسى ۋاقىتقا دەيىن انا مەن بالاعا ارنالعان بولمەنىڭ بولماۋىنا فرونت-وفيس عيماراتىندا ورىننىڭ جەتىسپەۋشىلىگى سەبەپ بولعانىن اتاپ ءوتتى.

«Mama Nova كومپانياسىنىڭ ارقاسىندا كوپتەن كۇتكەن انا مەن بالاعا ارنالعان بولمەنى جاساۋ تۋرالى شەشىم قابىلداندى. امبەباپتىعىمەن ەرەكشەلەنەتىن بولمە شاعىن بولسا دا، بالالى قىزمەت الۋشىلار ءۇشىن ۇلكەن ءرول اتقارادى»، - دەيدى ول.

ءدال بۇگىن حقو-عا سابيىمەن كەلگەن اقبوتا ءنابي ءموبيلدى بولمەنىڭ ءبىرىنشى بولىپ يگىلىگىن كوردى. بولاتتىڭ جورگەگىن جايلى جەردە اۋىستىرىپ، قاجەتتى زاتتاردى دا بولمە ىشىنەن تابا الدى. جايالىق،سۇرتكىش، مايلايتىن جاقپا، ۇنتاق دەگەندەر دە دايىن تۇر...

كومپانيا ءموبيلدى بولمەنى انا مەن بالاعا قاجەتتى زاتتارمەن قامتاماسىز ەتىپ وتىرۋدى دا ءوز مىندەتىنە العان.

ء«ومىردىڭ العاشقى جىلدارى ءار بالانىڭ ومىرىندەگى ەڭ ماڭىزدى كەزەڭ. ءبىز ءبىر جاسقا دەيىنگى سابيلەردىڭ ءومىرىن ساپالاندىرۋعا جانە ۇيدەن تىس جەردە انالارعا جايلى جاعداي جاساۋدى ماقسات تۇتامىز. Mama Nova بولمەلەرى تولىعىمەن ەكولوگيالىق تازا ماتەريالداردان جاسالعان. قاۋىپسىز جۇمىس ىستەۋ ءۇشىن بارلىق بۇرىشتار تەگىستەلگەن جانە دوڭگەلەكتەلگەن. قاسبەتتەرى جوعارى ساپالى لاميناتتالعان دسپ-دان   جاسالعان. ءبىزدىڭ ويىمىزشا، بۇل جوبا جاس بالالاردىڭ دامۋى مەن دەنساۋلىعى ءۇشىن جاقسى ينفراقۇرىلىم قۇرۋعا كومەكتەسەدى، سول ارقىلى بولاشاق ۇرپاعىمىزعا بەرىك نەگىز قالايدى» - دەيدى Mama Nova كومپانياسىنىڭ ديرەكتورى ەۆگەني بۋلاتوۆ.

 

 

الماتى

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار