قازاقستان • 27 قاراشا، 2020

مەملەكەتتىك قىزمەت ساپاسىنا مونيتورينگ جۇرگىزىلەدى – انار جايىلعانوۆا

54 رەت كورسەتىلدى

IX ازاماتتىق فورۋمدا قر مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆا مەملەكەتتىك قىزمەت كورسەتۋدەگى ۇكىمەتتىك ەمەس ۇيىمداردىڭ ءرولى تۋرالى ايتتى.

«قوعامدىق ديالوگ، اشىقتىق، ادامداردىڭ قاجەتتىلىكتەرىنە جەدەل ءمان بەرۋ – مەملەكەتتىك ورگاندار قىزمەتىنىڭ ماڭىزدى باسىمدىقتارى بولىپ سانالادى. مەملەكەت باسشىسى ازاماتتىق قوعامنىڭ مەملەكەت ساياساتىن ىسكە اسىرۋعا بەلسەندى قاتىسۋى قاجەتتىگىن ۇنەمى ايتىپ كەلەدى. حالىققا قىزمەت كورسەتۋدى مەملەكەتتىك قىزمەتتىڭ جالپى مىندەتى دەۋگە بولادى، ال قىزمەت كورسەتۋ ساپاسىن حالىقتىڭ سۇرانىسىنا قاراي ارتتىرۋ – مەملەكەتتىك قىزمەتشىنىڭ ەتيكالىق ءتارتىبىنىڭ نەگىزگى پوستۋلاتتارىنىڭ ءبىرى»، - دەدى انار جايىعانوۆا «حالىققا مەملەكەتتىك قىزمەت كورسەتۋدى جاقسارتۋداعى ازاماتتىق قوعامنىڭ ءرولى» اتتى ۇەۇ وكىلدەرىمەن كەزدەسۋدە.

اگەنتتىك باسشىسى ۇكىمەتتىك ەمەس ۇيىمداردىڭ حالىققا مەملەكەتتىك قىزمەت كورسەتۋ ساپاسىن باقىلاۋدىڭ بەلسەندى قاتىسۋشىلارىنا اينالعانىن اتاپ ءوتتى. قىزمەت كورسەتۋ ساپاسىن جاقسارتۋ، مەملەكەتتىك قىزمەتتەردى وڭتايلاندىرۋ، سىبايلاس جەمقورلىق سىن-قاتەرلەرىن ازايتۋ ماقساتىندا اگەنتتىك باستاماسىمەن بارلىق وڭىرلەردە مەملەكەتتىك قىزمەتشىلەر مەن قوعامدىق ۇيىمدار مۇشەلەرىنەن ۆەدومستۆوارالىق جۇمىس توپتارى قۇرىلعان.

«تسيفرلىق قازاقستان» مەملەكەتتىك باعدارلاماسىن ىسكە اسىرۋ بويىنشا ازاماتتىق قوعامنىڭ قاتىسۋىمەن حالىقتى تسيفرلىق ساۋاتقا وقىتۋ شارالارى ۇيىمداستىرىلعان. 400-دەن استام تسيفرلىق ۆولونتەرلەر ازاماتتارعا اۆتوماتتاندىرۋ اياسىندا ەنگىزىلگەن قىزمەتتەردى كورسەتۋ جاڭالىقتارىن ءتۇسىندىرىپ ءجۇر. ەرىكتىلەردىڭ ارقاسىندا مەملەكەتتىك قىزمەت الۋشىلار ەتسق-نى ونلاين راسىمدەۋ مەن ۇزارتۋ، حقو-عا بارۋ كەزەگىن برونداۋ، «eGovKZbot 2.0» تەلەگرامم-بوتى مەن «ەلەكتروندىق ۇكىمەت» ءموبيلدى قوسىمشاسىن پايدالانۋ ماشىقتارىن ۇيرەندى»، - دەدى ا. جايىلعانوۆا.

سونىمەن بىرگە، «مەملەكەتتىك قىزمەتتەر تۋرالى» زاڭعا سايكەس اگەنتتىك جىل سايىن مەملەكەتتىك قىزمەت كورسەتۋ ساپاسىنا قوعامدىق مونيتورينگ جۇرگىزەدى.

«بيىل مەملەكەتتىك قىزمەت كورسەتۋ ساپاسىنىڭ قوعامدىق مونيتورينگى 9000-نان استام رەسپوندەنتتى قامتيدى جانە الەۋمەتتىك ماڭىزى بار 70 قىزمەت بويىنشا جۇرگىزىلەدى، ونىڭ ناتيجەلەرى جەلتوقسان ايىندا جاريالانادى»، - دەپ ءتۇسىندىردى انار جايىلعانوۆا.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار