داۋىس بەرۋ سايلاۋ ۋچاسكەسىنە تيەسىلى اۋماقتا تۇرعىلىقتى جەرى بويىنشا تىركەلگەن, جەرگىلىكتى اتقارۋشى ورگاندار جاساعان سايلاۋشىلار تىزىمدەرى بويىنشا وتكىزىلەتىن بولادى. وعان: بەلسەندى سايلاۋ قۇقىعى بار, 18 جاسقا تولعان, ارەكەتكە قابىلەتتى, سوت ۇكىمى بويىنشا باس بوستاندىعىنان ايىرۋ ورىندارىندا تۇرمايتىن قازاقستان ازاماتتارى ەنگىزىلەدى.
ءوزىڭىزدىڭ سايلاۋ ۋچاسكەڭىز تۋرالى مالىمەتتەردى جسن, تەگىڭىز, اتىڭىز, اكەڭىزدىڭ اتى جانە تۋعان كۇنىڭىز بويىنشا نەمەسە تىركەلگەن مەكەنجايدى (كوشە, ءۇي) كەلەسى سەرۆيستەردە كورسەتە وتىرىپ, ونلاين الۋعا بولادى:
1. قالا اكىمدىگى astana.gov.kz. سايتىنىڭ باستى بەتىندە ء"سىزدىڭ سايلاۋ ۋچاسكەڭىزدى تابۋ" باتىرماسىن باسۋ كەرەك;
2. IKomek بىرىڭعاي بايلانىس ورتالىعى 24/7 رەجيمدە 109 تەلەفونى بويىنشا جۇمىس ىستەيدى. وپەراتورلار تەلەفون قوڭىراۋلارىنا جاۋاپ بەرەدى جانە ءوتىنىشتى iKomek مەسسەندجەرلەرى ارقىلى دا جولداۋعا بولادى: Telegram @Nursultanikomek109_bot; "iKOMEK109" ءموبيلدى قوسىمشاسى (Play Store/App Store); Facebook @ikomek109; ەل. پوشتا 109@ikomekastana.kz; Instagram @ikomek109;
3. Smart Astana ءموبيلدى قوسىمشاسى. Android جانە iOS پلاتفورمالارى ءۇشىن قول جەتىمدى;
4. تەلەگرام چات-بوت @smartastana_bot.
ەگەر ادام ءوزىن سايلاۋشىلار تىزىمىنەن تاپپاسا, وندا ول جەرگىلىكتى اتقارۋشى ورگانعا جازباشا وتىنىشپەن بارۋى كەرەك. نۇر-سۇلتان قالاسى بويىنشا اۋداندىق اكىمدىكتەرگە جۇگىنۋگە بولادى.
ۋاقىتشا تىركەلگەن ازاماتتار سايلاۋشىلار تىزىمىنە ولاردىڭ جەرگىلىكتى اتقارۋشى ورگاندارعا بەرگەن ءوتىنىشى نەگىزىندە عانا ەنگىزىلۋى مۇمكىن. ەگەر سايلاۋشىعا سايلاۋدان كەمىندە 30 كۇن بۇرىن, ياعني 10 جەلتوقساننان كەشىكتىرمەي, سايلاۋ كۇنى ونىڭ تىركەلگەن جەرى بويىنشا داۋىس بەرۋگە ارنالعان ۋچاسكەگە كەلۋ مۇمكىندىگى بولمايتىنى بەلگىلى بولسا, ول ءوزى داۋىس بەرە الاتىن جەرى بويىنشا جەرگىلىكتى اتقارۋشى ورگانعا (جاو) ونى سايلاۋشىلاردىڭ ءتيىستى تىزىمىنە ەنگىزۋ تۋرالى جازباشا وتىنىشپەن جۇگىنۋىنە قۇقىلى.
بۇل رەتتە, جاو ونى تىركەلگەن جەرى بويىنشا سايلاۋشىلار تىزىمىنەن شىعارۋدى جانە ونى داۋىس بەرۋدى جوسپارلاپ وتىرعان سايلاۋشىلار تىزىمىنە ەنگىزۋدى ۇيىمداستىرادى.
ءبىر ازامات سايلاۋشىلاردىڭ ءبىر عانا تىزىمىنە ەنگىزىلۋى مۇمكىن. ءاربىر ادام سايلاۋشىلار تىزىمىنەن ءوزىن-ءوزى تەكسەرۋگە جانە سايلاۋشىلار تىزىمىنە دۇرىس ەنگىزىلمەگەنى نەمەسە تىزىمنەن شىعارىلىپ تاستالعانى, سونداي-اق سايلاۋشىلار تۋرالى دەرەكتەردە قاتەلىكتىڭ جول بەرىلگەنى ءۇشىن شاعىمدانۋىنا قۇقىلى.
