ايماقتار • 27 قاراشا، 2020

پاۆلودار وبلىسىندا بالانى سۋىقتا قالدىرعان انا ۇستالدى

20 رەت كورسەتىلدى

پاۆلوداردا ۋچاسكەلىك پوليتسيا ينسپەكتورلارىنىڭ جەدەل ءىس-قيمىلدارىنىڭ ارقاسىندا جاس بالانى قاۋىپ-قاتەرگە دۋشار ەتكەن 33 جاستاعى انا ۇستالدى.

ماسەلەن، 26.11.2020  جىلى ساعات 20.40-تا پوليتسياعا پاۆلودار قالاسىنداعى "اۆتوۆوكزال" ترامۆاي ايالداماسىنىڭ ورىندىعىنان 8-9 ايلىق جاستاعى ازيالىق بالا تابىلعانى تۋرالى حابارلاما كەلىپ ءتۇستى. كوزبەن شولىپ قاراۋ كەزىندە بالادا كوزگە كورىنەتىن دەنە جاراقاتتارى انىقتالعان جوق. دەرەۋ جاس بالالار بويىنشا باعدار  جاسالىپ، بارلىق اۋماقتىق جانە شەكارا ماڭىنداعى اۋداندارعا تاراتىلدى. جاقىن ماڭداعى بارلىق كوشەلەر تەكسەرىلدى، كۋاگەرلەر مەن كورگەندەر اراسىندا ساۋالناما جۇرگىزىلدى. جەدەل قىزمەتكەرلەر مەن ۋچاسكەلىك پوليتسيا ينسپەكتورلارى قىس مەزگىلىندە ۇلكەن جۇمىس اتقاردى. ناتيجەسىندە، ۋچاسكەلىك ينسپەكتورلار جەدەل تۇردە 32 جاستاعى پاۆلودارلىق  باسقارعان "Toyota Camry" اۆتوكولىگىن انىقتادى. ونىڭ ايتۋىنشا، "InDriver" ءموبيلدى قوسىمشاسى ارقىلى ول كليەنتتەردى تاسىمالداۋمەن اينالىسادى. بۇل كۇنى ول شقو سەمەي قالاسىنان پاۆلودار قالاسىنا بالاسى بار ايەلدى الىپ كەلدى، ول كەلگەن بويدا ايەلدى اۆتوۆوكزالعا قالدىردى. ەكى ساعاتتان استام ۋاقىت ءوتتى، كۇدىكتى ايەل ۇستالدى. وقيعا بويىنشا قر قك 119 - بابى 1-بولىگى بويىنشا سوتقا دەيىنگى تەرگەۋ باستالدى، - دەدى پاۆلودار وبلىسى پوليتسيا دەپارتامەنتىنىڭ باستىعى نۇرلان ءماسىموۆ بريفينگتە.

پوليتسيا ايەلدىڭ تۇرمىستا ەمەس ەكەنىن، اسىراۋىندا كامەلەتكە تولماعان ەكى ۇلى (9 جاس، 1،2 جاس) بار ەكەنىن ءتۇسىندىردى. ۇلكەن ۇلى اجەسىمەن ەكىباستۇز قالاسىندا تۇرادى. سوڭعى جىلدارى ول ءوزى تاراز قالاسىندا تۇرعان. ۇلىن تاستاپ كەتۋدى الدىن الا جوسپارلاپتى.

انىقتالعاننان كەيىن، جاس بالا جەدەل جاردەم دارىگەرلەرىمەن تەكسەرىلىپ،  كەيىن پاۆلودار قالاسىنىڭ اۋرۋحاناسىنا جاتقىزىلدى.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار