ايماقتار • 27 قاراشا، 2020

وڭىرلەرگە ەرەكشە قاجەتتىلىكتەرى بار بالالار ءۇشىن 1381 اربا جەتكىزىلەدى

28 رەت كورسەتىلدى

قازاقستاننىڭ بىرقاتار وڭىرلەرىندە مۇگەدەكتىگى بار ادامدارعا ەلەكتر جەتەگى بار كرەسلو-اربالار بەرىلە باستادى. 2020 جىلدىڭ سوڭىنا دەيىن وبلىستار جانە رەسپۋبليكالىق ماڭىزى بار قالالاردا ەرەسەكتەر مەن ەرەكشە قاجەتتىلىكتەرى بار بالالارعا ارنالعان 1381 اربا جەتكىزۋ جوسپارلانىپ وتىر.

مۇگەدەكتەر ارباسىن ءوندىرۋشى «تىنىس» اق «قازاقستان ينجينيرينگ» ۇك ەنشىلەس ۇيىمى بولىپ تابىلادى. تاۋار ءوندىرۋ كەزىندە قازاقستاندىق قامتۋ ۇلەسى 75% - دى قۇرايتىنىن اتاپ ءوتۋ كەرەك. جالپى سالماعى 75 كەلى، ءجۇرۋ قاشىقتىعى 25 شاقىرىمنان اسادى، جۇك كوتەرىمدىلىگى 140 كەلىگە دەيىن. بۇل قازاقستاندىق كونسترۋكتورلاردىڭ وزدەرى قۇراستىرعان ونىمدەرى.

بۇگىنگى كۇنى مەملەكەتتىك تاپسىرىستى ورىنداۋ شەڭبەرىندە جەتكىزۋشى 817 بىرلىك كرەسلو-اربانى ەلىمىزدىڭ 12 وبلىسىنا (اقتوبە، الماتى، اتىراۋ، شقو، جامبىل، بقو، قوستاناي، قىزىلوردا، ماڭعىستاۋ، پاۆلودار، سقو، تۇركىستان) جانە نۇر-سۇلتان جانە شىمكەنت قالالارىنا جونەلتتى. 2020 جىلدىڭ سوڭىنا دەيىن تاعى 564 ەلەكتر جەتەگى بار كرەسلو-اربانى جەتكىزۋ جوسپارلانۋدا.

بۇل شارا ەرەكشە قاجەتتىلىكتەرى بار ازاماتتارعا ىڭعايلى جانە ءوز بەتىنشە قوزعالۋعا مۇمكىندىك بەرەدى، بۇل ولاردىڭ الەۋمەتتەنۋىن ارتتىرادى.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

قازاقستان «قىزىل» ايماققا كىردى

قازاقستان • بۇگىن، 09:30

ۇقساس جاڭالىقتار