باتىس قازاقستان وبلىسى بويىنشا ەكونوميكالىق تەرگەۋ دەپارتامەنتى رەسەي فەدەراتسياسىنىڭ ازاماتىنا قاتىستى الاياقتىق فاكتىسى بويىنشا قىلمىستىق ءىستى قوزعاپ, تەرگەۋ جۇرگىزگەن.
ول قازاقستان رەسپۋبليكاسىنىڭ ازاماتى بولا تۇرا, 2003 جىلى رەسەيگە بارىپ, سول مەملەكەتتىڭ ازاماتتىعىن العان جانە ەكى مەملەكەت اۋماعىندا زەينەتاقى الىپ وتىرعان.
بۇل رەتتە ول ەڭبەك جانە حالىقتى الەۋمەتتىك قورعاۋ مينيسترلىگىنىڭ زەينەتاقى تولەمدەرى جونىندەگى مەملەكەتتىك ورتالىعىنا رف ازاماتتىعى بار ەكەندىگىن ادەيى جاسىرىپ, قر-دا زەينەتاقى الۋعا قۇجات تاپسىرعان.
وسىلايشا, 2006 جىلدان باستاپ 14 جىل بويى ايىپتالۋشى قر اۋماعىندا زەينەتاقى تولەمدەرىن زاڭسىز الىپ وتىرعان جانە مەملەكەتكە 9,2 ملن تەڭگەدەن استام زالال كەلتىرگەن.
باتىس قازاقستان وبلىستىق سوتىمەن ول قر قك 190-ب. 1-ب. 1-ت. قاراستىرىلعان قىلمىستى جاساعانى ءۇشىن ايىپتى دەپ تانىلدى, وعان 3 جىلعا باس بوستاندىعىن شەكتەۋ جازاسى تاعايىندالدى. بيىل وسىنداي فاكتىلەر بويىنشا بىرنەشە قىلمىستىق ءىس قوزعالىپ, سوت ۇكىمى شىققان.
