قازاقستان • 27 قاراشا، 2020

ءبىز ازاماتتىق قوعاممەن ديالوگقا اشىقپىز - ەكولوگيا ءمينيسترى

9 رەت كورسەتىلدى

قر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ 2020 جىلدىڭ ءىح ازاماتتىق فورۋمى اياسىندا ازاماتتىق سەكتور مەن ۇكىمەتتىك ەمەس ۇيىمدار وكىلدەرىمەن وتكەن كەزدەسۋ قورىتىندىسىندا وسىلاي دەدى.

ء«بىز ءوز جۇمىسىمىزدا ارقاشان «ەستيتىن مەملەكەت» ءپرينتسيپىن ۇستانامىز جانە ازاماتتىق قوعاممەن ديالوگقا اشىقپىز. سەبەبى - قورشاعان ورتانى قورعاۋ ءبارىمىزدى بىرىكتىرەتىن ورتاق ءىس. ۇكىمەتتىك ەمەس ۇيىمدار دا ەكولوگيالىق ساياسات پەن وڭىرلەردەگى وتكىر پروبلەمالارعا قاتىستى پوزيتسيالارىن ءبىلدىرىپ، ءسىز بەن ءبىزدىڭ ارامىزداعى ءوزارا قاتىناستى كۇشەيتۋ بويىنشا ۇسىنىستارىن بەرە الادى»،- دەپ جازدى ول Twitter پاراقشاسىندا.

ونىڭ سوزىنشە، وسى جىلى مينيسترلىك قوعاممەن بىرگە وڭىرلەردەگى ەكولوگيالىق پروبلەمالاردى شەشۋگە باعىتتالعان جول كارتاسى اياسىنداعى ءىس-شارالاردى، ۇلتتىق پاركتەردە ەكوتۋريزمدى دامىتۋ جولدارىن، تاعى دا باسقا ماسەلەلەردى ورتاعا سالعان.

ونلاين-فورۋمعا 100-گە جۋىق ادام قاتىستى. قوناقتاردىڭ اراسىندا قازاقستاننىڭ ازاماتتىق اليانسى توراعاسى بانۋ نۇرعازينا، «قازاقستاننىڭ ەكولوگيالىق ۇيىمدارى قاۋىمداستىعى» زتب باسقارما توراعاسىنىڭ ورىنباسارى ەلدوس اباقانوۆ، «GreenWormen» ساراپتامالىق اگەنتتىگى جەتەكشىسى ليديا استانينا، ء«بىزدىڭ جايىق –ناش ۋرال» ەكولوگيالىق-تۋريستىك قوزعالىسى» قوعامدىق بىرلەستىگىنىڭ توراعاسى ەلەنا تاراسەنكو، «ەكوكەلىسىم» حالىقتىڭ دەنساۋلىعىن ساقتاۋعا ارەكەت ەتۋ جانە ەكولوگيا شىعىس قازاقستان وبلىسىنىڭ قاۋىمداستىعى» زتب توراعاسى تاتيانا چەرنىشوۆا جانە باسقا دا ەكولوگيا سالاسىنىڭ ساراپشىلارى مەن ەكوبەلسەندىلەر بار.

فورۋم اياسىندا ەلدەگى ماڭىزدى ەكولوگيالىق پروبلەمالار تالقىلاندى. ماعزۇم مىرزاعاليەۆ مينيسترلىكتىڭ قورشاعان ورتانى قورعاۋ سالاسىنداعى قىزمەتىنىڭ نەگىزگى باعىتتارى مەن ناتيجەلەر تۋرالى ايتتى. تالقىلاۋلار قورىتىندىسىندا جەلتوقسان ايىندا وسىنداي تاعى ءبىر كەزدەسۋ وتكىزۋ تۋرالى بىرلەسكەن شەشىم قابىلداندى.

«الدا ءالى قوعاممەن بىرلەسە اتقاراتىن جۇمىس كوپ. ەكولوگيالىق ماسەلەلەر كوپ قىرلى، ءبارى دە كەشەندى تۇردە قاراستىرۋدى تالاپ ەتەدى. سوندىقتان ءبىز ءۇشىن قوعام تاراپىنان كەرى بايلانىستىڭ بولۋى اسا ماڭىزدى. سىزدەردىڭ بەلسەندى ازاماتتىق ۇستانىمدارىڭىز بەن ەكولوگيا پروبلەمالارىن شەشۋ جولىنداعى كومەكتەرىڭىزگە ارقا سۇيەيمىز»،- دەپ تۇيىندەدى ماعزۇم مىرزاعاليەۆ.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

قازاقستان «قىزىل» ايماققا كىردى

قازاقستان • بۇگىن، 09:30

ۇقساس جاڭالىقتار