ايگەرىم ەڭبەكشىقازاق اۋدانىنا قاراستى بايتەرەك ورتا مەكتەبىنىڭ 10-سىنىبىندا وقيدى. ءوزىنىڭ ادەبيەتكە قۇشتارلىعىن باستاۋىش سىنىپتان-اق بايقاتقان ول بۇعان دەيىن حالىقارالىق ماحامبەت, مۇقاعالي وقۋلارىنا قاتىسىپ, باس جۇلدە ەنشىلگەن ەكەن.
– سەگىزىنشى سىنىپتا وقىپ جۇرگەندە ۇستازىم گۇلنۇر ساعىندىقوۆا اپاي «سەن اباي توپىراعىندا تۋعان قىزسىڭ, ۇلى اقىننىڭ شىعارماشىلىعىنا تەرەڭ بويلاۋىڭ كەرەك. دانالىق دارياسىنا قۇلاش ۇرۋعا دايىندال» دەدى. وسى ءسوز قامشى بولىپ, اباي اتانىڭ ولەڭدەرىن, قاناتتى سوزدەرىن وقي باستادىم. العاشقىدا مانەرلەپ وقىپ ءجۇردىم, كەلە-كەلە مۇدىرمەي جاتقا ايتاتىن بولدىم. ال «قارا سوزدەرىن» وقىعان سايىن وي تەرەڭىنە جەتەلەي بەرەتىندىگىنە ءتانتى بولعان سوڭ قىزىعۋشىلىعىم ءتىپتى ارتا ءتۇستى. ۇلى اقىننىڭ ولەڭدەرىن, پوەماسىن, قارا سوزدەرىن وقي وتىرىپ, زامانداستارىما ودان ومىرلىك تاعىلىم الۋعا بولاتىنىن جەتكىزگىم كەلەدى, – دەيدى ايگەرىم.
ونىنشى سىنىپتىڭ وقۋشىسى قازىر اباي قۇنانباي ۇلىنىڭ 180 ولەڭىن, 5 قارا ءسوزىن, 2 پوەماسىن تولىقتاي جاتقا بىلەدى ەكەن. ايتپاقشى, ول جاقىندا وبلىستىق ءبىلىم باسقارماسى مەن «جەتىسۋ دارىنى» ورتالىعىنىڭ ۇيىتقى بولۋىمەن وتكەن بەيسەن قۇرانبەك اتىنداعى وبلىستىق وليمپيادادا جۇلدەلى 2-ورىندى يەلەندى.
الماتى وبلىسى
