فوتو: primeminister.kz
تاراپتار ساياسي ديالوگتىڭ جوعارى دەڭگەيىن اتاپ ءوتىپ, ساۋدا-ەكونوميكالىق ارىپتەستىكتىڭ قارقىندى دامىپ كەلە جاتقانىن جەتكىزدى. رومان سكليار قىتايلىق ارىپتەسىن «ەكى سەسسيانىڭ» تابىستى وتۋىمەن جانە قىتايدىڭ 2026-2030 جىلدارعا ارنالعان الەۋمەتتىك-ەكونوميكالىق دامۋ جوسپارىنىڭ قابىلدانۋىمەن قۇتتىقتادى.
قىتاي سىرتقى ىستەر مينيسترلىگى قازاقستاندى جاڭا كونستيتۋتسيا بويىنشا وتكەن رەفەرەندۋممەن قۇتتىقتادى
سونىمەن قاتار ول 2026 جىلعى 15 ناۋرىزدا وتكەن رەسپۋبليكالىق رەفەرەندۋم ناتيجەلەرى تۋرالى اقپارات بەرىپ, ونىڭ قازاقستاننىڭ ودان ءارى دامۋى ءۇشىن ماڭىزىن اتاپ ءوتتى. كەزدەسۋ بارىسىندا پارلامەنتارالىق بايلانىستاردىڭ نىعايۋى, سونداي-اق ينۆەستيتسيا, كولىك جانە ەنەرگەتيكا سالالارىنداعى ءوزارا ءىس-قيمىلدىڭ كەڭەيۋى ءسوز بولدى.
چجاو لەتسزي ءوز كەزەگىندە قىتاي تاراپىنىڭ قازاقستانمەن ماڭگىلىك جان-جاقتى ستراتەگيالىق ارىپتەستىكتى جوعارى باعالايتىنىن ايتىپ, ەكى ەل اراسىنداعى قاتىناستاردىڭ ءوزارا سەنىمگە نەگىزدەلگەنىن اتاپ ءوتتى. سونداي-اق ول قازاقستاندا جۇرگىزىلىپ جاتقان رەفورمالار مەن قاسىم-جومارت توقاەۆ باستامالارىنا قولداۋ ءبىلدىردى.
كەزدەسۋدە حالىقارالىق كۇن ءتارتىبى دە نازاردان تىس قالعان جوق. تاراپتار بۇۇ, شىۇ, اوسشك جانە «ورتالىق ازيا – قىتاي» فورماتتارى اياسىنداعى ىنتىماقتاستىقتىڭ ماڭىزىن ەرەكشە اتاپ ءوتتى.
جالپى, كەلىسسوزدەر قازاقستان مەن قىتاي اراسىنداعى ستراتەگيالىق سەرىكتەستىكتى ودان ءارى تەرەڭدەتۋگە باعىتتالعانىن كورسەتتى.
