فوتو: قورعانىس مينيسترلىگى
گەنەرال-لەيتەنانت قانىش ابۋباكىروۆ تەڭىزشىلەردىڭ قىزمەتىمەن جانە تۇرمىس جاعدايىمەن تانىسىپ, ولاردىڭ ماتەريالدىق-تەحنيكالىق قۇرالدارمەن قامتاماسىز ەتىلۋ دەڭگەيىن باعالادى. دەسانتتىق-شابۋىلداۋ بريگاداسىنا بارعان كەزدە ول جەكە قۇرامعا ۇلگىلى قىزمەتى مەن اسكەري بورىشقا ادالدىعى ءۇشىن العىس ايتتى.
«سەندەردەي رۋحى مىقتى ۇلداردى تاربيەلەگەن اتا-انالارىڭا شىن جۇرەكتەن العىس ايتامىن. قىزمەت بارىسىندا ۇلكەن تاجىريبە جينادىڭدار. الداعى ۋاقىتتا دا ەلدىڭ سەنىمدى تىرەگى, ناعىز پاتريوت بولاتىندارىڭا سەنىمدىمىن», دەدى ول.
«ورال» زىمىران-ارتيللەريالىق كەمەسىندە باس شتاب باستىعى قارۋ-جاراق جۇيەلەرىنىڭ, ناۆيگاتسيا جانە راديوتەحنيكالىق جابدىقتاردىڭ دايىندىعىن تەكسەردى. وقۋ-جاتتىعۋ بارىسىندا ەكيپاجدىڭ اتىس تاپسىرمالارىن ورىنداۋ كەزىندەگى ءىس-قيمىلى پىسىقتالىپ, جەكە قۇرامنىڭ ۇيلەسىمدىلىگى باعالاندى.
ارميا ءۇيى بازاسىندا Defense Tech IT Park قورعانىس تەحنولوگيالارى ورتالىعى اشىلدى
سونىمەن قاتار گەنەرال-لەيتەنانت قانىش ابۋباكىروۆ «قايسار» ديۆەرسياعا قارسى كاتەرى مەن ارنايى بولىمشەلەردىڭ كاسپي تەڭىزىنىڭ قازاقستاندىق اكۆاتورياسى مەن پورتتىق ايماقتارىن سۋ استى جانە سۋ ءۇستى قاتەرلەرىنەن قورعاۋعا ازىرلىگىن باقىلادى. ول اسكەري-تەڭىز كۇشتەرى وڭىرلىك تۇراقتىلىقتى ساقتاۋدا شەشۋشى ءرول اتقاراتىنىن اتاپ ءوتتى, سوندىقتان ولاردىڭ جاڭعىرتىلۋى قورعانىس مينيسترلىگىنىڭ باسىم باعىتتارىنىڭ ءبىرى بولىپ قالا بەرمەك.
ينسپەكتسيا قورىتىندىسى بويىنشا باس شتاب باستىعى جاۋىنگەرلىك دايارلىقتى جەتىلدىرۋ جانە بولىمشەلەردىڭ ۇيلەسىمدىلىگىن نىعايتۋعا باعىتتالعان ناقتى تاپسىرمالار بەردى.
ەلىمىزدىڭ قورعانىس سالاسىندا قانداي تسيفرلىق شەشىمدەر ەنگىزىلگەن؟
