پارلامەنت • 26 قاراشا، 2020

نۇرلان نىعماتۋلين: تاۋەلسىزدىك جولى ول – ەلباسى جولى

24 رەت كورسەتىلدى

نۇر-سۇلتان قالاسىندا "ەلباسى ن.ءا.نازارباەۆتىڭ قازاقستانداعى پارلامەنتاريزمنىڭ قالىپتاسۋى مەن دامۋىنداعى ءرولى" اتتى حالىقارالىق كونفەرەنتسياسى ءوتىپ جاتىر، دەپ حابارلايدى Egemen.kz پارلامەنت ءماجىلىسىنىڭ ءباسپاسوز قىزمەتىنە سىلتەمە جاساپ.

ءداستۇرلى فورۋمدى اشقان ءماجىلىس توراعاسى نۇرلان نىعماتۋلين قر تۇڭعىش پرەزيدەنتى نۇرسۇلتان نازارباەۆتىڭ تاۋەلسىز قازاقستاننىڭ جانە ونىڭ پارلامەنتاريزمىن قالىپتاستىرۋ جولىنداعى تەڭدەسسىز رولىنە توقتالدى.

ءماجىلىس توراعاسى اتاپ وتكەندەي، ەلباسىمىز ەلىمىزدى بارلىق قيىندىقتان امان الىپ شىعىپ، ءىرى ساياسي، ەكونوميكالىق الەۋمەتتىك رەفورمالار جاسادى. مەملەكەتىمىزدى الەمدىك دەڭگەيگە جەتكىزدى.

"قازاقستاندىق دامۋ جولى" قالىپتاستى. سوندىقتان، شىن مانىندە، "تاۋەلسىزدىك جولى ول – ەلباسى جولى". وسى دامۋ جولىمىز قازىر پرەزيدەنت قاسىم-جومارت توقاەۆتىڭ باسشىلىعىمەن ودان ءارى جالعاسۋدا.

نۇرلان نىعماتۋلين وسى ۇلكەن جولدا تاۋەلسىزدىك تاريحىمەن بىرگە كەلە جاتقان قوس پالاتالى پارلامەنتتىڭ دە ۇلەسى زور ەكەنىن باسا ايتتى.

"بۇگىندە ءبىزدىڭ كاسىبي پارلامەنت قوعامدىق پىكىرلەر مەن اشىق ساياساتتىڭ بيىك ورنى بولۋمەن قاتار، مۇمكىندىگى مول، قۋاتى مىقتى، جوعارى زاڭ شىعارۋشى ورگانعا اينالدى. وزىنە جۇكتەلگەن، ءاربىر مىندەتتى ابىرويمەن اتقارىپ، ەلباسى نۇرسۇلتان ءابىش ۇلى نازارباەۆتىڭ جانە مەملەكەت باسشىسى قاسىم-جومارت توقاەۆتىڭ ماڭىزدى قادامدارىن، ساياسي، ەكونوميكالىق، الەۋمەتتىك باستامالارىن ساپالى زاڭدارمەن قامتاماسىز ەتىپ كەلەدى"، دەدى.

سونىمەن قاتار پالاتا سپيكەرى قازاقستان پارلامەنتىنىڭ وركەنيەتتى ەلدەردىڭ زاڭنامالىق ورگاندارىمەن تەڭ دارەجەدە قىزمەت ەتىپ، ەلباسىمىز ايتقانداي، ناعىز دەموكراتيا مەكتەبىنە اينالعانىن جەتكىزدى. نۇرلان نىعماتۋليننىڭ پىكىرىنشە، وسىنىڭ بارلىعى تۇڭعىش پرەزيدەنت ن.نازارباەۆتىڭ ەل باسقارۋداعى دانا، كورەگەن، سىندارلى ساياساتىنىڭ جەمىسى. ءماجىلىس توراعاسى بۇگىنگى تاڭدا بۇكىل الەمدى قامتىعان كۇردەلى احۋالعا نازار اۋدارىپ، وسىنداي قيىن جاعدايدا ءبىزدىڭ ەلىمىزدە الەۋمەتتىك-ەكونوميكالىق تۇراقتىلىقتى ساقتاۋعا، جۇمىسپەن قامتۋعا جانە حالىقتىڭ تابىس دەڭگەيىن قامتاماسىز ەتۋگە زور كوڭىل ءبولىندى.

"داعدارىسقا قارسى جەدەل شارالار شەڭبەرىندە كىرىستەرىن ۋاقىتشا جوعالتقان 4،5 ميلليوننان استام قازاقستاندىق اي سايىنعى وتەۋسىز مەملەكەتتىك كومەك الدى. بۇل ماقساتقا 450 ميللياردتان استام تەڭگە جۇمسالدى. وسى كۇردەلى كەزەڭدە ءبىزدىڭ تۇڭعىش پرەزيدەنتىمىز بۇرىنعىداي بارشا قازاقستاندىقتار بىرلىگىنىڭ كەپىلىنە اينالعانىن ەرەكشە اتاپ وتكىم كەلەدى"، دەدى.

ەلباسىنىڭ باستاماسىمەن "Birgemiz" ۇلتتىق قايىرىمدىق قورى ۇيىمداستىرىلىپ، جالپىحالىقتىق قوزعالىس بارلىق قازاقستاندىقتاردى ءبىر ماقساتقا جۇمىلدىردى. سونىمەن قاتار، قوردىڭ بىرجولعى قايىرىمدىلىق قارجىلاي قولداۋىنا 550 مىڭنان استام قازاقستاندىق وتباسى يە بولدى.

ميلليوننان استام ادام ازىق-ت ۇلىك جانە تۇرمىستىق كومەكپەن قامتىلىپ، مىڭداعان ەرىكتى مۇقتاج جاندارعا جاردەمدەستى.

ءوز كەزەگىندە كوروناۆيرۋستىڭ تارالۋىنا قارسى تۇرۋ جانە توتەنشە جاعداي كەزىندە تۇراقتىلىقتى قامتاماسىز ەتۋ جولىندا ەلباسىنىڭ باستاماسىنا ءماجىلىس دەپۋتاتتارىنىڭ ءبىراۋىزدان قولداۋ بىلگىرگەنىن ايتقان پالاتا سپيكەرى نۇرلان نىعماتۋلين تىلگە تيەك ەتتى.

"بۇگىندە مەملەكەت باسشىسى قاسىم-جومارت توقاەۆتىڭ ەكونوميكالىق ءوسىمدى قالپىنا كەلتىرۋ جونىندەگى باستاماسى زاڭنامالىق قولداۋعا يە بولىپ وتىر. وزدەرىڭىزگە بەلگىلى، اعىمداعى جىلدىڭ ناۋرىز ايىنان بەرى پارلامەنت ەرەكشە جاعدايدا جۇمىس ىستەۋدە. توتەنشە جاعداي كەزىندە پارلامەنتتە باسقارۋشىلىق شەشىمدەر قابىلداۋدىڭ جاڭا ۇلگىسى قولدانىلا باستادى. ول زاڭ جوبالارىن قاشىقتىقتان تالقىلاۋ جۇيەسى. ءبىز ءۇشىن بارلىق مۇددەلى تاراپتاردىڭ، دەپۋتاتتاردىڭ، مەملەكەتتىك ورگاندار مەن ازاماتتىق قوعامنىڭ ۇزدىكسىز قاشىقتىقتان جۇمىس ىستەۋىن قامتاماسىز ەتەتىن بەينە بايلانىس، سەلەكتورلىق كەڭەستەر جانە باسقا دا زاماناۋي اقپاراتتىق تەحنولوگيالار مۇمكىندىگىن بارىنشا پايدالانۋ ماڭىزدى بولدى. ەرەكشە ايتۋ كەرەك، زاڭ جوبالارىن ماقۇلداۋدىڭ قارقىنى مەن ساپاسى تومەندەگەن جوق. ءوز ۋاقىتىندا جەدەل ءارى ءتيىمدى شەشىمدەر قابىلداندى"، دەپ اتاپ ءوتتى.

سونىمەن قاتار كونفەرەنتسيادا ءماجىلىس توراعاسى ەڭ الدىمەن، دەپۋتاتتار ۇلتتىق ەكونوميكا، اۋىل شارۋاشىلىعى، حالىقتى الەۋمەتتىك قولداۋ، دەنساۋلىق ساقتاۋ سالاسىنداعى جۇيەلى شارالار، ەپيدەميولوگيالىق جاعدايدى تۇراقتاندىرۋ، ءبىلىم بەرۋدىڭ بارلىق دەڭگەيلەرىنىڭ ساپاسى ماسەلەلەرىن ەرەكشە باقىلاۋعا العانىن جەتكىزدى.

بۇدان بولەك، پالاتا سپيكەرى نۇرلان نىعماتۋلين بۇگىندە ەلىمىزدە ەكونوميكالىق ءوسىمدى قالپىنا كەلتىرۋ، شاعىن جانە ورتا بيزنەستى قولداۋ، حالىقتىڭ الەۋمەتتىك ءال-اۋقاتىن نىعايتۋ بويىنشا جۇمىستار بەلسەندى جۇرگىزىلىپ جاتقانىنا نازار اۋداردى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

كاسىپكەرلەر ءۇمىت ارتىپ وتىر

ساياسات • بۇگىن، 07:54

ۇقساس جاڭالىقتار