– بۇگىنگى تاڭدا, زاڭسىز پوليتسيا فورماسىن كيۋ جانە ساۋدالاۋ, پايدالانۋ فاكتىلەرىنىڭ كوبەيىپ وتىرعانىنا بايلانىستى ارنايى تەكسەرىس جۇمىستارىن جۇرگىزۋ كەرەك بولىپ وتىر. زاڭ بويىنشا مۇنداي فورمالاردى ساتۋمەن اينالىساتىن ساۋداگەر تۇتىنۋشىدان قىزمەتتىك كۋالىگىن تالاپ ەتۋى ءتيىس. الايدا ساۋداگەرلەر بۇعان كوز جۇما قارايتىنى بەلگىلى. ءتارتىپ ساقشىسىنىڭ فورمالىق كيىمىن كەز-كەلگەن قىلمىسقا نيەتتى ادام نەمەسە قىلمىسكەرلەر وپ-وڭاي ساتىپ الۋى مۇمكىن. تاجىريبە كورسەتكەندەي, مۇنداي جاعادايلار وتە ءجيى كەزدەسەدى. تۇتىنۋشىنىڭ ءوتىنىشى بويىنشا ساۋداگەرلەر ولارعا كەرەك پوليتسيانىڭ كيىم ۇلگىسىن, اسكەري شەنىن, ەرەكشە بەلگىلەرىن دايىنداپ بەرە الاتىندىقتارى بىرنەشە رەت جۇرگىزىلگەن جاسىرىن تەكسەرۋ بارىسىندا انىقتالىپ وتىر, – دەپ اتاپ كورسەتتى الماتى قالاسى پد وزىندىك قاۋىپسىزدىك باسقارماسىنىڭ باستىعى سالامات نيازبەكوۆ.
