ۇلتتىق بانك ماماندارى حالىقارالىق ەسەپ ايىرىسۋ بانكىمەن جانە حالىقارالىق ۆاليۋتا قورىمەن بىرلەسە وتىرىپ, تسيفرلىق ۆاليۋتانى رەتتەۋ تاسىلدەرىن زەردەلەي باستادى.
"قازاقستان ۇلتتىق بانكى قىتاي حالىق رەسپۋبليكاسىندا, وڭتۇستىك-شىعىس ازيانىڭ بىرقاتار ەلىندە, كانادادا, سينگاپۋردا جانە ەۋروپالىق وداقتا تسيفرلىق ۆاليۋتانى ەنگىزۋ جونىندەگى پيلوتتىق جوبالاردا باقىلاۋشى بولىپ تابىلادى.
قازىر ءارتۇرلى تەحنولوگيالىق ينفراقۇرىلىم مەن رەتتەۋ تاسىلدەرى ەسكەرىلەتىن قازاقستان رەسپۋبليكاسىندا تسيفرلىق ۆاليۋتانى ەنگىزۋدىڭ ءار ءتۇرلى ستسەناريىنە ارنالعان بايانداما ازىرلەنىپ جاتىر. بايانداما 2021 جىلدىڭ ەكىنشى جارتىسىندا جاريالانادى.
بۇدان كەيىن قۇجات مۇددەلى مەملەكەتتىك ورگاندارمەن, حالىقارالىق قارجى ۇيىمدارىمەن, نارىق قاتىسۋشىلارىمەن جانە ساراپشىلارمەن تالقىعا ءتۇسىپ, سودان كەيىن قازاقستان رەسپۋبليكاسىندا ورتالىق بانكتىڭ تسيفرلىق ۆاليۋتاسىن كەزەڭ-كەزەڭىمەن ەنگىزۋ بويىنشا پيلوتتىق جوبا ىسكە اسىرىلادى", - دەلىنگەن حابارلامادا.
