ايماقتار • 24 قاراشا، 2020

قارۋلى كۇشتەردىڭ بروندى تەحنيكاسى كۇردەلى جوندەۋدەن شىقتى

17 رەت كورسەتىلدى

بيىل «سەمەي ينجينيرينگ» اكتسيونەرلىك قوعامى جوندەۋدەن وتكىزگەن تەحنيكانى قالپىنا كەلتىرىپ، قورعانىس تاپسىرىسىن تەز ارادا 70 پايىزعا ورىندادى. كاسىپورىننىڭ بازاسىندا ت-72 تانكتەرى مەن بمپ-2 اسكەري قۇرلىق كولىكتەرىن كۇردەلى جوندەۋدەن وتكىزدى.

مەملەكەتتىك قورعانىس تاپسىرىسى اياسىندا بروندى تانكتەر كۇردەلى جوندەۋدەن وتكىزىلدى. تانكتەر مەن اسكەري قۇرلىق كولىكتەرىنىڭ بارلىق فۋنكتسيونالدىق پارامەترلەرى قالپىنا كەلتىرىلىپ، قوسالقى بولشەتكەرى، تۇيىندەرى مەن اگرەگاتتارى اۋىستىرىلدى.

قازاقستان رەسپۋبليكاسى قارۋلى كۇشتەرى قارۋ-جاراق پەن اسكەري تەحنيكانى جاڭا تۇرلەرىمەن تولىقتىرىلىپ جاتقانىنا قاراماستان، تانكتەر بۇرىنعىداي قارۋلى كۇشتەردىڭ باستى سوققى بەرۋشى كۇشى بولىپ قالا بەرەدى. بۇعان زاماناۋي قارۋلى قاقتىعىستاردا دا دالەل بولادى. يكەمدى، سەنىمدى، اتىس مۇمكىندىكتەرىنە يە جانە مىقتى بروندى تانكتەر ۇرىس دالاسىنداعى وزدەرىنىڭ ومىرشەڭدىگى مەن قۋاتىن دالەلدەدى.

«سەمەي ينجينيرينگ» اق كاسىپورنى بارلىق بروندى تانك تەحنيكالارىن كۇردەلى جوندەۋدى جانە جاڭارتۋدى جۇزەگە اسىرىپ جاتقانىن ايتا كەتكەن ءجون.

سوڭعى جاڭالىقتار

ۇقساس جاڭالىقتار