بالىق اۋلايمىن دەپ 12 ادام سۋعا باتىپ كەتتى

ايماقتار • 24 قاراشا، 2020

بالىق اۋلايمىن دەپ 12 ادام سۋعا باتىپ كەتتى

41 رەت كورسەتىلدى

اڭ جانە بالىق اۋلاۋ ماۋسىمى باستالعاننان بەرى ەلدىڭ سۋ ايدىندارىندا 12 ادام، ونىڭ ىشىندە 1 بالا قازا تاپتى. بۇل تۋرالى قر تجم رەسمي وكىلى تالعات ءۋالي حابارلادى.

اقمارال اعزامقىزى

بالىق اۋلاۋ كەزىندە ەرەجەلەردىڭ بۇزىلۋىنان 11 ادام قازا تاپتى جانە ەرەسەك ادامداردىڭ قاراۋىنسىز قالعان 1 بالا ابايسىزدا سۋعا قۇلاپ، سۋعا باتىپ كەتتى.

اعىمداعى جىلى قازا بولعاندار اقمولا، الماتى، قوستاناي، قىزىلوردا، ماڭعىستاۋ، تۇركىستان وبلىستارىنىڭ سۋ ايدىندارىندا تىركەلدى.

ماسەلەن، وتكەن كۇز-قىس ماۋسىمىندا (2019 جىلعى 1 قازاننان باستاپ 2020 جىلعى 1 ناۋرىزعا دەيىن) ەلىمىزدىڭ سۋ ايدىندارىندا بالىق اۋلاۋ كەزىندە قاۋىپسىزدىك ەرەجەلەرىن بۇزۋ سالدارىنان، سونداي-اق مۇز وتكەلدەرى ارقىلى ءوتۋ كەزىندە 37 ادام (ونىڭ ىشىندە 10 بالا) قازا بولدى. ادامداردىڭ قازا بولۋىنىڭ نەگىزگى سەبەپتەرى:

1) 19 ادام بالىق اۋلاۋ كەزىندە (جاعالاۋدان جانە/نەمەسە ءجۇزۋ قۇرالدارىنان) سۋعا قۇلاعان;

2) 7 ادام بالىق اۋلاۋ كەزىندە مۇز استىنا قۇلاپ كەتكەن;

3) ويناپ ءجۇرىپ 8 بالا مۇز استىنا ءتۇسىپ كەتكەن، 2 بالا سۋعا قۇلاعان;

4) 1 ادام مۇز وتكەلدەرى ارقىلى ءوتۋ كەزىندە قۇلاعان.

اۋماق بويىنشا الىپ قاراساق، قازا بولعاندار اقمولا، اتىراۋ، الماتى، اقتوبە، شىعىس-قازاقستان، جامبىل، باتىس-قازاقستان، قوستاناي، قاراعاندى، سولتۇستىك قازاقستان وبلىستارىنىڭ جانە الماتى قالاسىنىڭ سۋ ايدىندارىندا تىركەلدى.

وسىعان بايلانىستى، ەل ازاماتتارىنىڭ نازارىن سۋ ايدىندارىندا، قىس مەزگىلىندە، ءبىرىنشى كەزەكتە قاۋىپسىزدىك ەرەجەلەرىن ساقتاۋعا اۋدارامىز:

1) تاۋلىكتىڭ قاراڭعى ۋاقىتىندا جانە ناشار كورىنگەن كەزدە مۇزعا شىقپاڭىز;

2) مۇزدىڭ جۇقا جانە قاتپاعان جەرلەرىنە شىقپاڭىز;

3) مۇزدىڭ جەكەلەگەن ۋچاسكەلەرىندە توپپەن جينالۋعا بولمايدى;

4) مۇزداعى شۇڭقىرلارعا، جارىقتارعا، ويىقتارعا جاقىنداماڭىز;

5) اۆتوموبيلدەرمەن وتكەلدەردەن تىس جەرلەرگە شىقپاڭىز.

مۇز استىنا بالىق اۋلاۋعا، بالىق اۋلاۋعا قاتىسۋشىلارعا جەكە قۇتقارۋ قۇرالدارى بولعان جاعدايدا عانا جۇزەگە اسىرۋعا، شەكتەۋلى الاڭدا ەكىدەن كوپ شۇڭقىر تەسۋگە جانە وت جاعۋعا جول بەرىلمەيدى،سونداي-اق ءوتۋ ورىندارىندا بالىق اۋلاۋعا ارنالعان جەلىلەردى ورناتۋعا جانە شۇڭقىرلاردى تەسۋگە جول بەرىلمەيدى.

سۋداعى (مۇزداعى) وقيعالار كوبىنەسە ادامنىڭ ءوز-وزىنە سەنۋ، ءوز كۇشتەرى مەن مۇمكىندىكتەرىن قايتا باعالاۋ، سۋداعى (مۇزداعى) قاراپايىم ەرەجەلەردى ەلەمەۋ سالدارىنان ورىن الادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز